Natu tameke ni okulima manga pepi

0
250

Ovanongononi novatengeneki vonghalo yomhepo neudo ova xunganeka kutya ope na omhito yakula opo Namibia a mone omuloka muwa.

Omahangano mahapu oku tengeneka onghalo yomhepo mounyuni mwa kwatelwa no omoNambia okwa holola kutya, opena omhito yakula opo Namibia opamwe noilongo ikwao moshitukulwa shoSouthern African Development Community (SADC) i mone omuloka u li nawa neudo.

Omolwa omatengeneko oo mawa notaa etifa eenghono, oshafimana opo Ovanamibia tu landule meemhadi doiwana ikwetu yopoushiinda opo tu longe ni momapya etu twe litula mo.

Nonande vanini ohava longifa omukalo wokutekela, mounamapya, nomokulonga oipalwifa yefiku nefiku efimbo eli lodula olo efimbo liwa okulonga oilonga yomomapya shaashi okwa talala nawa loo efimbo eli olo hatu longifa omeva onga odjo yopashito oshali, no inatu pumbwa nande osenda.

Omukuluwonale okwa ti le mhuku litetuka manga eyelu inali ya. Hano natu tamekeni okulonga petameko ashike lomuloka shaashi nande taku tengenekwa kutya okwa fa kuna omuloka neudo, katu shi kutya ota u kala ko fiyo efimbo peni.

Xwepo tu tameke okulonga manga pepi, na ngeenge efimbo lomuloka ola kala ina li ya kokule, ohatu hangwa ngaho twa longaalonga po.

Oshinima shikwao, okulonga diva ohaku kwafa nomonghalo yeyelu.

Luhapu oha shi kala shiwa ngee omunhu to tameke okulima nokukuna diva ngee kuna onghalo ya nyika eyelu, opo eshi odula tai ka loka ya diinina neenghono, ihange oilya ya pita mo medu noya mena omidi da kola.

Oshiima shimwe vali, mounyuni ou wa nyika omafundja efimbo limwe oyana nayo oha i yada unene ndele nomambakumbaku keenhele dimwe ihaa dulu oku fika ko.

Hano natu tamekeni okulonga manga pepi.

Odula yadjako nande omuloka hao naanaa wali muwa, woo hao ngoo kwali ta u tulifa omhu omutwe kepepe, ava va lima tete ova lile. Ina va fa ovo va tameka okulima pexulilo laJanuali ile petameko laFebuluali.

Shimwe vali, ovanyasha ovo veli komaushimba nokeedoolopa nava dimbulukwe ngaho okukupula ko sha kovakulunhu komikunda opo va dule okupululifa.

Hano natu tamekeni okulonga manga pepi.

 

 

LEAVE A REPLY

Please enter your comment!
Please enter your name here