‘Omasindano gandje otaga popi peha lyandje’ -Muinyo

0
160

WINDHOEK – Omuperesidende gwaNamibia Football Association okwa ti ye ita ka thikama ongo omuulikwahogololwa oshikando oshititatu, okuwilika ando ishewe NFA.

John Muinjo okwa popi ndhika neinekelomwene lya kola a ti ye kena sha okuholeka kakele ashike kokuhokolola ehokololo tali hokitha kombinga yomimvo hetatu ndhoka a kala mewiliko lyuudhano wetanga lyokoompadhi moNamibia.

Moonkundathana noshitopolwa shuudhano Muinjo okwa ti okwa adha omasindano geshi okwi inomenwa okuza tuu nkene a hogololelwe ongo Omuperesidende gwoNFA omumvo 2006. Okwa ti uudhano wetanga lyokoompadhi moNamibia owa yelulwa pombanda oshowo omuthika gwawo  ogu wetike ku kehe omuntu. Oshikwawo ye kena sha oku ulukila mboka taya limbililwa.

Okwa ti kohi yewiliko lye oshilongo osha adha omasindano ogendji nomanene muuyuni wetanga lyokoompadhi, naashika osha simanekitha nokutumbalekitha ewiliko lyetanga lyokoompadhi moNamibia. Omapandulo oshowo omatumbaleko oga pewa NFA okuza ko Fifa sho Namibia a li a longo opo a humithe komeho uudhano wetanga lyokoompadhi woomeme, mokati kaayehe shi ikwatelela kuukuluntu wayo. Omumvo 2012 Namibia oye a ulikwa gwotango okutula miilonga oopoloyeka adhihe dha Fifa  inaa ndopa po nando osha, ye okwa li a landulwa kuZambia na Morocco pehala etiyali netitatu.

‘Ishewe mewiliko lyandje NFA oye shi pondola okunkondopeka ekwatathano nepangelo.Kombinga yuudhano waakiintu, tse otwa yi ondjila onde inaa tu hunyama mokunkondopeka oshipundi nombelewa yetanga lyokoompadhi lyaakiintu.Twe yi tula aanambelewa yu uviteko uudhano mbuka naambaka oya longo nawa niizemo yiilonga yawo oyi iwetikile,’.

Omasindano galwe ngoka taga vulu okutumbulwa ongaashi sho Namibia a li a edhilile oshigongi shoka sha li sha kundathana  iipambele yetanga lyokoompadhi lyaakiintu omumvo 2006. Uudhano waadhani yokohi yomimvo 17 wo, mumvo 2007 woCOSAFA oshowo okukoleka euvathano kombinga yelongo lyuudhano wetanga lyokoompadhi noPolytechnic ya Namibia.

Muinjo okwa ti ye oye a longo oku uvithako NPL opo a tembukile moombelewa dho NFA  ndhoka hadhi ithanwa Footbal House naashika osha mangulula NPL pashimaliwa.Okwa ti NFA oku li wo nawa pashimaliwa.

“Kombinga yomakwashilipaleko ngame onda longa nawa ngaashi tandi vulu, onda vulu okumona omakwashilipaleko giilongadhalwa yoNFA ya yooloka ngaashi ndyoka hali gandjwa ko Spar yokOtjiwarongo yuudhano woliha  wedhina Galz & Goals. Onda etamo wo omahangano ngaashi Puma na  Namibia Breweries Limited (NBL) okukwashilipaleka ospana yo Brave Warriors. Onde shi pondola wo okudhikapo omakwatathano omawanawa na Bidvest Namibia oshowo Scorpion Zinc onkene nena otuna omakopi lyoBidvest naandyoka lyo Scorpion lyaadhani yokohi yomimvo 17,’ osho Muinjo iitanga.

Esindano ekwawo ndyoka NFA nuudhano wetanga moNamibia wa adha oondyoka  lyoku edhilila uudhano wetanga lyokoompadhi lyomanyakwa gaakiintu ndyoka lya hulile oshiwike shayi moVenduka. Okwa ti uudhano mbuka owa ziminwa okudhanenwa moNamibia  omolwa omakwatathano omawanawa pokati ka NFA , Fifa CAF  oshowo COSAFA.

Nando opena omasindano agehe ngaka okukala omuperesidende ka kwali oshilonga shaana omashongo, gamwe gomwaangaka natango ina ga monenwa omayamukulo, ngaashi ndyoka lyompumbwe yaakwashilipaleki yooliha dhokiitopolwa.Ndika otali kala natango limwe lyomwaangoka taga longwa nago ku NFA.

 

LEAVE A REPLY

Please enter your comment!
Please enter your name here