Omukwiita a fekelwa a dhipaga omuyalekwa gwe

0
295

ONGWEDIVA – Yimwe yomoohango ndhoka dhali dha tegelelwa dhikale ko momwedhi tagu ya, oya hulile moosa, sho omulumentu, omuniilonga metanga lyegameno anuwa a dhipaga omufuko gwe.

Otaku hokololwa kutya omukadhona omugundjuka okwa si eso lyombaadhilila sho anuwa a pondwa sigo okusa komuyaleki gwe ngoka a li a tegelelwa emu hokane momwedhi tagu ya.

Omugundjuka gwomimvo 21 , Jackobina Namupala Andreas okwa pondwa anuwa komuyaleki gwe Sem Mudjanima Sem omunamivo 37 noku sa mOlyomakaya ga ziko.

Oshiningwanima shika tashi halutha osha ningilwa momukunda Oshifukwa moshikandjohogololo shaMuthiya moshitopolwa shaShikoto .

Okwa hokolwa kutya Andreas okwa li ya thaneka okuhokana  nomulumentu gwe nguka omukwiita mEtanga lyEgameno  lyaNamibia (NDF) ngoka taku hokololwa ha longele mokamba yaakwiita koLuiperd Valley muumbugantu woWindhoek.

Okwa hokolwa kutya omumati okwazi kuushimba mEtitano ete ya kegumbo lyaandjawo lyomiti, hoka anuwa iithana omukadhona gwe eke mu talela po.

Aniwa ongula yOmakaya omulumentu okwa pendula aakuluntu megumbo ete ya lombwele kutyaAndreas okwa penduka asa.

Anuwa okwa hokolele opolisi kutya omuholike gwe okwa haluka moomposi uusiku mboka ta kugagana ta ti okuewete oshiluli. Sho a penduka ongula okwa mono kutya okwa lala puye ashike okwa hulitha nale.

“Omufuko nguka okwa aadhika ashike anuwa ena oombinzi peke niilalo koonyala ashike kapuna nando osha shoka tashi ulike sha longithwa okumu dhipaga,” omugandji guuyelele ku Kundana a hokolola ngaaka.

Nonando mondunda moka omwaadhika muna ekatana kapena naanaa uuyelele gwothaathaa kutya omukiintu nguno okwa dhipagwa ngiini oshoka ina tetwa kolutu. Aakwashigwana ota ya fekelwa owala kutya ngiika omulumentu nguka okwa ponda omuyalekwa gwe nekatana, nomukiintu okwa li ta kambadhala okukwata ekatano ndjoka pethimbo ta pondwa naashika osha eta opo a tetwe koonyala.

Omufekelwa moshinima shika okwa mangwa po na okwa holoka nale mompangu yamangestrata mOndangwa mOmaandaha shinasha noshipotha shedhipago na oshipotha oshuundulilwa nale komesho.

Nonando aakwanezimo yopaali oya taya ilongekidha nkene taya ka tyapula oshituthi shoyana omalongekidho oga hulile moluhodhi sho omukadhona a dhipagwa.

Omupopiliko moshitopolwa shaShikoto Inspector Stephan Nuuyi okwa koleke oshiningwanima shika.

Okwa ti Sem okwa holoka mompangu yamangistrata mOndangwa noshipotha osha undulilwa komasiku gokomeho oku li natango mondholongo.

 

LEAVE A REPLY

Please enter your comment!
Please enter your name here