Omunyasha e limangelekela moshipangelo

0
288

ONGWEDIVA – Okakadona kokanyashe elela oka xulifa oshivike eshi, eshi vati ke likufa omwenyo omanga ke li meembete moshipangelo shepangelo mOshakati.

Ouyelele ou owa kolekwa kOmupopiliko wOpolifi yaNamibia Deputy Commissioner Edwin Kanguatjivi.

Kanguatjivi okwa holola kutya, omukainhu weedula 26 wedina Jamba Donisius Antonius Omunamibia nokwali omukalimo womOndangwa okwe li mangeleka ongula inene yOmaandaxa, e li mangelekela mOsaala Onihetatu lwopotundi 03h30 yokeengula.

Eedjo moshipangelo ota di hokolola kutya, oivike inya ya dile ko, omunyasha ou okwa li a lekelelwe mo moshipangelo omo kwali a tambulilwa omolwa oudjuu wewi ile omhepo hai mu lombwele e ke limangeleke.

Eshi a hakulwa nokupewa exungomwenyo,  omunyasha ou okwa li a lekelwa mo nee moshipangelo, ashike konima yomafiku manini ofamili yaye oye mu alulila ko vali koshipangelo, sha landula eshi vemu hanga e li monghalo ii ita popi.

Nonande vati okakadona aka vati ka kakali ka hololela ovapangi osho sha eta opo ka ehame nokuya monghalo ii, otaku hokololwa kutya oka lombwele vamwe vomovanaudu vakwao okutya ope na omhepo oyo ya nyata hai ka hange, na oyo yali yeka fininika kanwe eepela 20, onga onghendabala yokulidipaa. Eshi osha eta opo ka ka hangike ka nangala meumbo keli monghalo ii, nokeheshi apa keli.

Efiku olo eshi omukainhu ou a xulifa, vati okwa penduka ashike pombete, nokuya mokalikoshelo omo e ke limangelekela noshikaiwa.

Okwe li tuwa ashike kovapangi ongula a xulifa nale.

 

 

LEAVE A REPLY

Please enter your comment!
Please enter your name here