Ovakulupe moLuderitz va ningilwa shivilo sha Christmas

0
290

Luderitz – Ovakulupe oshoyo ovanhu ovo vena oulema moLuderitz ovali va ongala mosaala ya Benguela omutenya woShoondaha yomafiku kuyele oshivike eshi, va tyapule pamwe oshivilo shaChristmas, osho va longekidilwa kuMeya wodoolopa, Suzan Ndjaleka.

Mokupopifa ovakulupe Ndjaleka, okwa tumbula kutya, okwa pandula neenghono okomitee yoshikefa hashi ungaunga noshimaliwa shameya eshi va kondja opo va longekidile ovakulupe oshivilo shaChristmas. Ndjaleka ta tumbula kutya ka shali shipu okulongekida oshivilo sholudi eli shaashi moshikefa shameya kamwali muna oshimaliwa neudo, ndele mokuninga onghedabala okukonga omakwafo apa naapenya, ove shipondola opo va dule okupalula ovakulupe novanaulema ve fike po400

Ndjaleka okwa tumbula kutya konyala okuya lwopexulilo lo dula keshe, yee opamwe nocommitee yoshikefa osho sha Meya oha va longekidile alushe ovakulupe novanhu ovo vena oulema oshoyo eefiye oshivilo sho Christmas, ka kele ko dula yadjako, opo Meya a tumbula kutya kavali naana va mona omayambidido, onghene ka va li va dula okuninga oshivilo eshi, ndele ovali ashike va topolela ova kulupe eeshi odo vali vapewa kehangano lokukwata eeshi lo Seaflower.

Meya ta pandula omahangano oo eva yambidida neudo. Ovakulepe ova lya lela nawa va fa veli mo hotela, va nwa tete osopa ya pupyala nawa, opo nee tavali oikulya ya telekekeka, nokonima tavali ojelly nokupewa nee keshe umwe oplastika ina okashako koufila wepungu omaadi okulya osuuka notee opo vekeli palule komaumbo avo novatekulu.

Oshivilo oshali shi shambula, ovakulupe tava li voo tava pwilikine komaimbilo a Chrismesa. Omufita Fredrick Fillemon Kondjila naye okwa li a mona omhito yo ku kala moshivilo eshi sha Christmas, no kwa tumbula kutya, okwa pandula unene eshi meya wodoolopa opamwe newiliko laye va longekida oshivilo eshi, nelala ano oku hafifa ovakulupe pefimbo eli, lo kuya pexulilo lomudo.

LEAVE A REPLY

Please enter your comment!
Please enter your name here