Shilongo a tula mo okoola ye yotango koliha yaBotswana

0
171

WINDHOEK – Omudhani nale gwoBrave Warriors oshowo gwoTigers, Benson Shilongo okwa tula mo okoola ye yotango mokudhanena ospana ye ompe yedhina Gaborone United pethimbo lyuudhano woliha yomoshilongo shoka Olyomakaya ga piti.

Shilongo okwa li a dhana oshikando oshitiyali okudhanena ospana ye ompe, sho a tula mo okoola nokunyola edhina lye mokati komadhina gaadhani ooyakwawo mboka ya tulile mo ookoola pethimbo  United a sindi FC Satmos muudhano wedhina Mascom Top 8 Cup moGaborone Olyomakaya.

Omudhani gwokomeho nguka okwa li a ningi oshilyo shospana ndjoka petameko lyomumvo guudhano mbuka , ndele ina vula okutameka okudhana oshoka epitikilo lyokulonga moshilongo shoka ka kwali eli pewa natango. Ndele okwa ka tameka okudhana sho a tulwamo muudhano pethimbo ospana ye ya li tayi dhana moliha yaBotswana pethimbo oospana ndhika dha li dhi ithigi othika yimwe mu yimwe. Okwa kuthwa mo muudhano omanga ashike kwali ominute ndatu opo uudhano wu ye pehulilo sho ospana ye yali tayi dhana naandjoka ya Motlakase. Shilongo okwa li a dhana uule wominute omi 80 Olyomakaya na okwa ti oku uvite nawa kombinga yomukalo ngoka a dhana nago naashoka a ningile ospana ye.

“Omuthika guudhano muka oguli pombanda okuyeleka  kegumbo koNamibia. Aadhani muka oya pyokoka muutakatika, ohaya endelele, oya kola uuna yena etanga ishewe oliha ndjika oya kindja yo ishewe oyu udha ethigathano.”

Omunamimvo 22 okwa li wo a tumbaleke omudhani omuNamibia omukwawo Jerome “the Crocodile” Louis, ngoka woo ta dhana nawa mospana hayi ithanwa Township Rollers.

“Jerome okwa kwatathana nawa muudhano muka moBotswana na okuli mokati kaamboka ya tulamo ookoola odhindji moliha yaamuka.”

Ospana yo Gaborone United moka hamu dhanene Shilongo oyi li pehala etine moliha ya Botswa, yi na iitsa 58 yi li konima niitsa ihamano kwaandjoka hayi dhanenwa ku Jerome.Township Rollers oyo ospana yili komutse gwoliha ya Botswana pethimbo ndika.

LEAVE A REPLY

Please enter your comment!
Please enter your name here