New Start a sindana po ethigathano lyuudhano wopOshooko

0
186

OSHOOKO – Osipana yoNew Start oyo omusindani muudhano wopamukunda mboka wali wa unganekwa ku Ikolelela Ekandjo, ngoka oye mwene gwomukunda Oshooko mUukwambi.

Muudhano mbuka wa liko ehuliloshiwike lya zi ko, New Start okwa li a dhenge mo Dalas Fc medhingoloko lyahugunina nokuyaula po okapandi koN$ 1500, oombandi dhoshingoli nEkopi, pethimbo lyuudhano mbuka wa kwashilipalekwa komusamane Ikolelela Ekandjo ngoka oye mwene gwomukunda ngoka..

Dalas FC okweya pehala etiyali nokutoola po okapandi koN$ 1000, noombandi dhoshisiliveli.

Okamwandi Fc okeya pehala etitatu moka kapewa ooN$ 600, General Holo Fc ta etelele okano nokuhekelekwa nokashona ko N$ 400.

Tate Ekandjo okwa holola kutya ethigathano ndika olyo limwe lyomiinyangadhalwa yomomukunda gwe mbyoka hayi eta aantu pamwe noku yamwenyeka.

Okwati aantu koombinga noombiga oyali ya holoka nombepo yuukumwe oyali tayi pepe momukunda gwe.

Otati ngele uudhano woludhi nduka owakala hawu ningwa momukunda kehe shika otashi ka eta ombepo yuukumwe maantu,elongelokumwe noku eta aakuluntu pamwe naanona.

Ehuulilo shiwke ndyoka aanamukunda ya tate Ekandjo nomikunda dhopuushiinda oya li wo ya mwenyekwa kethigathano lyo kakadhona dhingi ndyoka lya li lya unganekwa kongeshefa ya Blessing infotainment.

Rauresia Shiningayamwe oye okakadhona dhingi methigathano ndika .

Mwene gomukunda gOshooko okwati nomomumvo tuuka aanamukunda gwe nomikunda dhopuushiinda naya kale ya tegelela ethigathano ndika.

LEAVE A REPLY

Please enter your comment!
Please enter your name here