Wunderkind ota ka kwatela osipana yoWelwitschias komeho okuya koCanada

0
171

WINDHOEK – Omudhani omwaanawa gwaNamibia ha ithanwa noshilukadhina ‘Namibian rugby Wunderkind’ Jacques Burger, otaka kwatela oshilongo shOmapenda mospana yorugby hayi ithanwa  Welwitschias sho ndjika tayi ka dhana naCanada  methigathano lyedhina Windhoek Draught Northern Hemisphere Safari moColway nena.

Omudheuli Danie Vermeulen okwa ningi po omalunduluko omanene mospana ndjoka ya li ya dhenge ospana yaNdowishi niitsa 58 yomiitsa 20 pethimbo lyomailongekidho gayo oshiwike shayi.

Omudhani gwokomeho mospana yoSaracens oye ta kala, kapitiya ko Welwitschias  mokudhanena evi lyooyinakulu nkene tuu iihulile okuli kalelapo muudhano womanyakwa worugby mboka wa dhanenwe moNew Zealand omumvo 2011.

Aadhani yamwe mboka ya inyengithwa ongaashi  Thomasua Forbes na  Tinus du Plessis oshowo Rohan Kitshoff ngoka a kuutumbikwa omanga omudhani PJ va Lill ngoka ha dhana moliha yorugby mo France ota dhanene ospana ya Namibia a zala ombindja yonomola 8.

Vermeulen okwa ti omalunduluko ngaka ogo owala okulundulula  omukalo gwokudhanitha aadhani ye pethimbo ndika. “Otwa nyanyukwa  kegaluko lyaJacques oshoka shika osha holola  ombepo yuudhano mokati kaadhani yili pombanda. Jacques okwa li a dhanene ospana ye yo Saracens taya kondjitha Harlequins ehuliloshiwike lyapiti na okwi ilongekidha oku dhana nawa pethimbo lyuudhano wawo naCanada.

Johnnie Redelinghuys, oye ta tameke pehala mpoka hapa dhanwa shito ku  Jaco Engels ngoka ta vulu ashike okujoina ospana ndjika nale oshiwike shika. Omanga omudhani omwaanawa opo teya muudhano mbuka Tjiuee Uanivi oye ta tameke pehala lya Nico Esterhuyse ngoka a ehama.

Eneill Buitendag ota tameke yeli pamwe na Theuns Kotze. Kooha kolumoho David Philander oye ta tameke komeho ga Johan Tromp ngoka ta kuutumba manga pondje. Pomahala gamwe Danie Dames ota inyengithwa okudhana konima kolulyo okuya komeho kolulyo nokupa Chrysander Botha ompito okudhana pehala mpoka a lundululwa.

Franklin Bertholini gwospana yoWindhoek United oye awike omudhani omupe mospana ndjika yaadhani 23 inaa dhanena nale oshilongo she .Onkene otashi vulika a ka mone ompito yokudhanena lwotango oshilongo she pethimbo lyuudhano mbuka..

Vermeulen, okwa ti osha pumbiwa okupa aadhani ayehe ompito yokudhana na Canada unene sho natango aadhani mbaka ya taalela omaudhano ga kindja geli gatatu komeho. ‘ otwa tegelela aadhani ya Canada ya kale taya dhana taya pumu komaluutu na otashi vulika pu ka kale aadhani yetu yamwe ya ehamekwa, onkene otwa pumbwa oku wilika aadhani yetu nawa okusoshimpwiyu kutya mbaka oye li nawa methigathano.

 

LEAVE A REPLY

Please enter your comment!
Please enter your name here