Amupanda a lukilwa ongulumambo yosekundeskola yUukule

0
234

ONYAANYA – Metine lyoshiwike shaziko omupopiliko gwongundu yewawa lyaagundjuka  moSWAPO   Job Shipululo Amupanda okwa li a lukilwa ongulumambo yosikola yUukule.

Omukuluntusikola posikola mpaka Jennipher Mwale Lizazi okwa ti shino oya li yeshi ningi mokusimaneka Amupanda ngono ali a talelepo osikola ndjika oomwedhi dhaziko. Amupanda okwa li a gandja elombwelo opo ongulumambo yi kongelwe omambo,ta lombwele woo ngoka tii yamba opo eshi ninge.

Shino okwali eshi ningi a mono kutya ongulumambo ndjika oyili mompumbwe onene yomambo, no kwa li ewete sha pumbiwa opo ompumbwe ndjika yi kandulwepo nziya yo aanona ya kale taya kongo uuyelele momambo ngoka.

Amupanda pau yemwene okwa ti nonande a li a tegelela owala omambo geli omathele gatano (500) okuthika petameko lya Novomba,okwa li a nyanudhwa unene kaagundjuka sho ya ulike eitulemo lyawo oshoka okwa li eshi pondola  okugandja omambo ga konda omayovi gaali.

Omambo ngano okwali e ga gandja mEtine moka montaneho yaanaskola,aalongi oshowo iilyo yelelonongelo lyaUukule. Pethimbo Amupanda ta popitha engathithi lyaalongwa posikola mpaka okwa li eya kumike opo yiilonge ya manamo , yo ya tseye kutya elongo olyo oshipatululo shonkalamwenyo yomuntu kehe.

Omukuluntusikola Lizazi okwa gandja olupandu lwe olunene ku Amupanda ta ti iilonga a longela osikola yawo iilonga iinene ta gwedhako kutya oya pumbwa aantu oyendji yafa Amupanda moNamibia.

Lizazi tati Amupanda okweshi ya ningile oshipu nongashingeyi aanasikola ye otaya vulu oku ka konga omambo nga ya hala, mongulumambo ndjoka ya mono edhina no tayi ithanwa Job Amupanda.

Omambo ngono ga gongelwa ku Amupanda gamwe ogaza ko kuume ke mbono yu uvu onkugo ye, go gamwe ogali ga etwa kaanasikola mboka ya sikola nale posikola mpaka. Sisa Namandje gumwe gwaalongwa penongelo ndika noku li omutseyiveta nomupopiliko gwopaveta gwa kehe ngoka a pumbwa omayakulo gopaveta, naye okwali woo a gandja omambo gongunshu yooN$7000 , na go ga longithwe mongulumambo ndjika.

Aanaskola oshowo aalongi yomoUukule oyali ya nyanyukwa noonkondo oku tala Amupanda ngoka eya longela uuwanawa, noya tokola nokuli opo ongulumambo yi lukilwe Job.

KuMaria Namupala

 

LEAVE A REPLY

Please enter your comment!
Please enter your name here