JK Construction otai tungu omaumbo momafulafula 

0
163

ONGWEDIVA – Ehangano loJK Construction ola tokola oku kandula po omhumbwe yomaumbo, pamukalo wokutunga omaumbo oo haatungwa nomafulafula nokaungulita.

Omalelo eedoolopa ngeenge okwa tameke okuyandja edu lokutunga, nena oprojeka yomuNamibia JK Construction, otai ka kandula po diva omumbwe yomaumbo.

Elinekelo eli ola tumbulwa kehangano eli la ninga omalolelo okutunga omaumbo ehena eedopi dihapu.

Ehangano eli ola faneka okutunga omaumbo oludi eli a kola oo a fikama komikanka deenghono odo da tungwa needopi. Omaumbo aa okwa tungwa nekuma lokaungulita la kolekwa noitenda, mo mekuma omuna omafulafula a kolongelwamo noshamende

Etungo lotete loludi eli ola tungilwe moWindhoek 1990. Oilongifo eyi yoludi eli ohai longwa mOfabulika yoGlobal Polymer ha i longo omafulafula omaludi mOtjiwarongo.

Omukalo wokutunga omaumbo ngaha, owa tungifwa omatungo eefitola dopoRatanga Junction Shopping Complex moCape Town shaSouth Africa popepi nomukunghulo wefuta.

Jeremia Tobias omukwatelikomesho woprojeka JK Construction yokutunga omaumbo o mafulafula, oku na omukumo okukandula po omhumbwe yomaumbo yovaNamibia vahapu va pumbwa okutungilwa omaumbo meenhele da yooloka.

Eumbo lomalolelo otali tungwa monhele ipe ya longekidwa kElelo lodoolopa yaShakati, ngeenge ola hokiwa kovalandi nena otaku ka tungwa omaumbo mahapu oludi eli. Etungo la tungwa lomafulafula a tulwa okaungulita pokati, oli na

eengudi doitenda la fikama komukanka weedopi. Pefimbo loutalala omafulafula ohaa talala shi li pokati 10ᵒC -12ᵒC, omanga pefimbo loupyu ohaa kwatelemo outalala u fike 10ᵒC -20ᵒC. Omukalo wokutula omafulafula pokati owa longifwa nomeeYskas dokutalalekela da kula oshoyo moikwatelwa yakula yeeshi.

Tobias ta holola kutya, eumbo eli otali tungwa mefimbo loivike itatu fiyo ine she likwatelela kounene shaashi okuli omaludi ane. Shikwao, omaumbo oludi eli oku na ombilixa shi li 30%-35% okwaa yelekanifa nomaumbo eedopi. Onghalamwenyo yao e na ongushu oule weedula 50 – 70, onghee okwa faneka kutunga omaumbo mahapu mOshakati e dule 250 ngeenge a pewa epitikilo. Oludi eli la tungwa kehangano li li li otaa hangikwa mOtjomuise, Otjiwarongo, omanga oScorpion Zinc ya tunga omaumbo oludi olo e dule 200.

Otaa hangwa yo moEuropa ngaashi moRussia, Germany, nomoUSA. Tobias okwe li shiivifa mwene momaulikilo oipindi aNgwediva 2014, omo a mona vahapu va hala kutungilwa omaumbo kombinga yokoNooli kuna ava tava tungifa oshimaliwa tashi di kehangano laGIPF.Modula tai ya ota kala novakalelipo puGwashamba mOndangwa, mOshakati, nokUutapi a dule kwaandjaneka eyakulo kwaaveshe va pumbwa omaumbo ongushu kombilixa, taa tungwa mefimbo lixupi.

 

 

LEAVE A REPLY

Please enter your comment!
Please enter your name here