KK Palace ya mono omudheuli omupe

0
254

ONDANGWA-Elemu Father omvalele yaZambia oye ngashingeyi omudheuli gwOsipana yo King Kauluma mOndangwa ndjoka ya tseyika nawa KK Palace.

Father okwa pewa oshipundi shuudheuli wOsipana ndjika konyala iiwike iyali ya ziko  okuza kOsipana yo Milano United FC yo koCape Town sha South Africa hoka ali Omudheuli.

Father okuna ondondo yokudheula yo NFA C licence ,CAF C licence, na okuna ondondo yopombanda menenevi Africa yokudheula yo CAF B licence.

Osipana yo KK oyina elago okumona omudheuli nguka  ena ontseyo mokudheula, nokuna onkatu yopombanda mu Africa.

Father okua tseyika nawa unene kiitopolwa yokoNooli hoka a tameke ongo omudhani nOmudheuli gwOsipana yOshakati City okuza mo 2006 sigo 2010.

Omudheuli nguka okwali a eta Osipana yoShakati City pondondo ontiyali methigathano lyo Namibia Premier League lyo 2006-2007.

Okwa li wo iinekelelwa oshinakugwanithwa shokudheula osipana yOshana kuudhano woshifo sho The Namibian wo 2010.

Sho ali mekwatathano naKundana pokapale mpoka hapu idheulile Osipana yo KK, Father okwa ti oonkatu adhihe ndhoka a likola dhokudheula, okwe dhi mono ke yambidhidho lyOngonga hangano yOkatanga kokoompadhi moNamibia NFA.

Onkene ota ti okwa tokola azeko ko South Africa opo eye a ninge kayuhwena hadhela nyoko nyoko onale eku hadhele.

Okwa tsikileko tati Osipana ndjika yo KK oyili tayi ulike omundilo omuwaanawa no yi na ewiliko lyanukapo.

Okwati  KK Palace otayi kakambadhala okusindana kehe uudhano tayi ka dhana opo yi adhe omalalakano gawo.

Nando ndhika oohapu dhomokana owala, dho oombata okakuya kaakepo, ashike ondjokonona ya Father mokatanga kokoompadhi  oya pampa, oshoka okwa mona omasindano ogendji nOosipana ndhoka a dheula.

Nongele shika oshaningwa pamwe otashi kapa Osipana yo KK ompito yoku ya  ko Premier League.

LEAVE A REPLY

Please enter your comment!
Please enter your name here