Namibia okwa za mo moBig Brother konima yezemo lyaPermithias

0
172

Ondjila yaNamibia methigathano lyuudhano wokoTV wedhina Big Brother Africa 9 oya hulu sho omukalelipo  gwa hugunina megumbo moka Permithias a kuthwamo a li inee shi tegelela nonando okwa li momusholondondo gwaamboka ya li taya hogololwa oku kuthwamo mulyo. Permithias okwa landula omuNamibia omukwawo Luis Munana ngoka a thigilepo egumbo ndyoka konima yoshiwike shimwe ngashingeyi.

Ezemo lya Permithias otashi vulika lyeetele aatali yaNamibia oluhodhi , ndele kuye oshinima she mu etele ontseyo onene. Okwa ti okwa li a kalelepo Namibia pamukalo omwaanawa ngaashi tashi vulika.”Oshinima osha li uudhano onkene omuntu iho kala wu shi kutya oshike tashi landula, ndele oshinima shika osha piyagana. Ngame ondi ilongo oshindji pethimbo ndyoka nda kala megumkbo moka,” osho Permithias a ti.

Sho a pulwa komipopyo kutya okwa fa gwomongundu yomashenge, Permithias okwa popi neendelelo kutya ye “Ngame ondi hole aakiintu, ngame kandi shi eshenge, kandali limwe no ita ndi ka kala limwe. Ondi hole aakiintu opuwo,” osho a ti noku gwedha ko a ti okuna omathaneko ge oku longa nawa kombinga yokuhika oongalo opo oshinima shika eshi tule pomuthika guli pombanda uuna a galukile kegumbo.

Ngoka a kuthwamo megumbo pamwe na ye oFrankie omuRwanda ngoka oye a li iithanwamo tango okuza megumbo moka Osoondaha ya ziko.

Frankie okwa yile megumbo neinekelo kutya ota faalele oshimaliwa shoka kegumbo noku gandja shimwe koshigwana nokaantu ye  moku ya tungila osikola momukunda gwaandjawo, ihe ondjodhi ye ndjika oya tetulwa mbala. “Onda kokela mezimo tali longo nuudhigu, onda ya kosikola  oombwinayi molwashoka aakuluntu yandje kaya li noshimaliwa onkene onda tokola kutya ngele onda sindanapo oshimaliwa shika otandi ka etapo elunduluko, ihe nando inandi sindana ondina omukumo oshoka ondjodhi yandje ondi yi na natango,” osho a ulike.

Ongo omuhiki gwoongalo ye mwene  Frankie okwa ti  Permithias oye gumwe ena oshitalendi dhingi maanegumbo lya Big Brother  ngoka a tsakaneka. “Otwa li niitalendi oyindji ndele sha Permithias  oshiwanawa unene. Oku na shoka a tegelela oshinene okwa pumbwa ashike oku kala iitulamo,” osho Frankie a ti  a gwedha ko kutya okukala kwe megumbo okwa li itaa ku pewathanwa nando nando, na okwa tegelela ku mu etelele iinima iiwanawa.

Mboka ye li momusholondondo gwoku kuthwamo megumbo oshiwike shika oyo  Samantha (South African) Goitse (Botswana), Idris (Tanzania), Mr. 265 (Malawi) na  Macky2 (Zambia). Aanegumbo yalwe mboka ya hogololwa opo ya kuthwemo andola megumbo ndele itaya ka hogololwamo Osoondaha ndjika oyo, Butterphly na Ellah.

Koku hogolola kwoye olundji omukalimo megumbo ngoka wu hole, oto mu pe ompito opo a thigale  megumbo natango.

LEAVE A REPLY

Please enter your comment!
Please enter your name here