Omaishangitho guudhano wokoompadhi mOniipa otaga tsikile

0
165

ONIIPA-Omaishangitho ngoka guudhano wokomvula ta wu ka ningwa lwotango pOniipa onkene taga tsikile.

Omukwateli komeho guudhano mbuka Meduletu Jesaya okwa ti, aagundjuka yo moshikandjohogololo  Oniipa nopomikunda dhopopepi oya tokola ya manamo uudhano wokatanga  mboka tawu ka kalako muDesemba.

“Shika osho oshikando shotango oshilando shaa Soomi tashi uunganeke uudhano woludhi nduka, mboka ta wu longekidhwa kOniipa Youth Club, nowa tegelelwa wu kakale wu mwe wa dhenga mbanda,” Jesaya ta ti ngaaka.

Uudhano mbuka ota wu ka kalako momasiku 26-27-28 gaDesemba 2014 pokapale ha ka ithanwa  Volcano Sport Field. Jesaya ota ti elalakano lyuudhano mbuka okweeta aagundjuka pamwe opo ya yande elongitho nayi lyiingangamithi nehepeko lyoomeme nuunona, nosho wo oku kwathela  Kuku Nekulu Kinder Garden, ndjoka yina uunona ha wu longelwa pomutenya.

Oosipana dhomonooli dhaadha pomulongo odha tegelelwa oku ishangitha koodola N$ 600 sigo omo 10 ga Desemba. Jesaya okwa ti oosipana ndhoka hadhi dhana moliha inadhi pitikwa dhi kuthe oombinga nande. Osipana ndjoka ta yi ka sindana olweetho lwotango otayi ka sindana oodola koomuma N$2500.00 nekopi, ontiyali N$1500.00 no ya hugunina oodola N$500.00.

LEAVE A REPLY

Please enter your comment!
Please enter your name here