Sandra Blak apititha okangalo Toweelele

0
151

WINDHOEK-Okakadhona hoka Okanamibia ha ka imbi oongalo kamana kandongo osho kapititha okangalo kako okape kedhina Toweelele.

Okangalo ha ka okali ka uvika mooradio dhomoshilongo osho woo ko Intaneta ngaashi koFacebook, YouTube no koSoundcloud. Sandra Blak otati, Towelele okangalo hoka kahala okutya oto kudhile,  kanunimwa aaNamibia ayehe koonono opo yawape yekandaanise yo yapulakene ketumwalaka ndoka lyilimo. “Towelele okangalo hoka ko Afropop, kena omulyo gwoDancehall. Okangalo haka Toweelele oko kamwe kiikalekelwa na inakafa oongalo dhoka ha ndi imbi shito,” Sandra Blak tati ngaaka, tagwedhapo ishewe tati ngashingeyi okuli ta ilongekidha oku thaaneka okavidio kako opo ekafale kooradio dhomuzizimbe dhomoshilongo.

Okwiimba kwa Sandra Blak okwaza manga ali omushona lela, pethimbo ali ha imbi oondjimbo moosikola dhosoondaha. Okwagwedhapo tati, oongalo okwedhihokithwa kuMushe ngoka ali atsakanene naye manga ali omushona, nokwali emukwathele moongalo sigo atsokoka nawa. Moshipewa she shika, Sandra Blak okwa li ishewe asindana limwe lyomomakopi gwoNamas omvula ya piti.

LEAVE A REPLY

Please enter your comment!
Please enter your name here