Shinime Shiivula ta ti pii

0
474

ONDAGWA-Shinime Shiivula primary School oye ta pangele uudhano woosikola dhooprima mOndangwa niitopolwa yopuushiinda.

Shika osheya puuyelele sho osikola ndjika ya li ya sindanapo uudhano wokatanga komokambamba naamboka wokatanga kokoompadhi mboka wali wa unganekwa kosikola yaShinime ehulilo shiwike lyaziko mOndangwa.

Osipana yaShinime yaakadhona oyali ya halakanithapo Oluno Primary School nookola 25 mu 7muudhano wedhingoloko lya hugunina, noku toolapo Ekopi, nooodola  N$ 150.

Oluno Primary School oye ya pehal etiyali noku toolapo okapandi ko N$ 100.

Osipana yaShinime yAamati oyali ya mono omasindano ogendji sho yadhana noosikoka oonkwawo  noku ilikolela ehala lyotango moka yali ya mbendekwa okapandi ko N$ 250 nEkopi.

Heroes Primary School ngoka eli omukondjithi omunene gwa Shinime okwe ya pehala etiyali noku toolapo okashona ko N$ 150, omanga Oluno Primary lwe ya pehala etitatu nokuhekelekwa nokapandi ko N$ 100.

Omuunganeki guudhano mbuka John Martin Whitemen okwa ti, “nando oshimaliwa oshali oshi shona lela shika inashi teya omukumo aanona mboka yali taya dhana yi itulamo noonkondo”.

Okwati uudhano mbuka owuli oshitopolwa shependulepo lyomaudhano mokati kaanona yoosikola mboka wuna ohokwe yokukutha ombinga momaudhano ashike olwindji oompito odha thinana, onkene ta ti okwa tokola okuunganeka omaudhano ngaka opo eya pe ompito.

Whitemen oye gumwe gomwaamboka yena ohokwe yomaudhano moNooli no ha kwathele muungundumutima womaudhano ogendji mOshilongo.

LEAVE A REPLY

Please enter your comment!
Please enter your name here