Taya tidha mumwayina megumbo

0
215

OIPAPAKANE – Omulumentu gwomomukunda Oipapakane moshikandjohogololo Ohangwena okuna uudhigu, sho anuwa ta hepekwa kaamwayina.

Salom Kanyeumbo okwati oshinima shika shehepeko lye osha tameke sho aavali yawo ya mana oondjenda. “Aakuluntu yetu sho ya huluko egumbo oya adhika ye li shangitha nale omukwana omukwetu ashike nee ye iha kalapo ethimbo alihe okuli kiilonga, ohandi kala ngaa ando megumbo lyetu moka twa thigwa kaakuluntu yetu,”Kanyeumbo ta ti.

Kanyeumbo ta hokolola kutya uupyakadhi owe etwa kumumwayina gwosheeli shawo, ngono ena egumbo lye kondungu yepya lyawo,. Mumwaina nguka Mandume Kanyeumbo anuwa oha dhenge aluhe mumwayina nguka noku mu ehameka oshoka anuwa ine mu halelamo megumbo nolundji oha lombwele ngu a pewa egumbo opo e mu tidhemo anuwa a tale mpo ta ka kala.

“ Ondina uudhigu no kandishi kutya nandi ninge ngiini oshinima shino osha ninga ethimbo ngaashingeyi,ye nenge oku ningilwe omapulapulo i ha yamukula aantu nawa, omasiku gaziko okwali a dhipagapo oombwa dhetu dhili mbali naasho nde mu pula ota ti anuwa odha lipo oondjuhwa dhe ashike ota fundju owala paantu oha kala ta popi tati anuwa okwa hala nda zamo megumbo ngame ndi ka mone iihuna nonande oye ngaa osheeli shetu,” Kanyeumbo ta popi neyeme.

Okwa tsikileko ta ti olundji ohe ya owala megumbo moka ta nyenyeta afa ena sho uuva nonande ena ngaa egumbo lye, oheya owala teya pangele anuwa . Mandume anuwa sho ali a gongalekwa ku yamwe yomaakuluntu okwali a holola kutya anuwa ita kala ena ombili Kanyeumbo eli megumbo moka.

Okwali wo ati Kanyeumbo okwa koka naye a ka kokole epya lye nenge okofuka oshoka yo oya thigilwa omayana gawo kaakuluntu. Kanyeumbo ngono a holola kutya megumbo oye elimo omukuluntu ita vulu kuzamo ota sile mba eli nayo megumbo oshimpwiyu oshoka mwene gwegumbo nomukwana omukwawo okuli kiilonga.

Kanyeumbo nande eli megumbo ngeyi kelimo owala ta lala ta kotha ota kambadhala ngaa mpa ta vulu opo a kongele egumbo omboloto. Ta indile ngaa a kwathelwe moshinima shika.

 

 

 

 

 

LEAVE A REPLY

Please enter your comment!
Please enter your name here