Va futwa oN$100 opo okatekulu kakwatwe onghonga

0
396

OSHUUNGU – Omukainhu umwe okuli konima yekumba omanga omusamane waye e liwe mokashoko kopolifi konima eshi vati va yandja okaana kokakadona ka kwatwe onghonga komukulupe womunangeshefa koshimaliwa shifike poN$100.

Omunangeshefa (62), e na okandingosho haka landifa otombo neebila, nota fekelwa mekwatonghonga naye okwa kwatwa po noku patelwa modolongo.

Otaku hokololwa kutya ovalihomboli ava, ova longa ashishe eshi tava dulu, oku kwashilipaleka kutya okakadona aka keedula 22 oka ya moixulo nomukulupe weedula 62, eshi veka kokololela monduda yomukulupe, tave ka denge, noku ka dula oikutu, tava nangala poshivelo shondunda omo mwali mwa nangala okaana aka nomukulupe.

Okakadona oko natango keli monghalo yehaluko otaka ti momafiku Novemba 6, oka li ka ifanwa kuxe, mumwaina waxe komukunda Eenkombo, uli mOshikandjohoololelwa Etayi mOshitukulwa shaMusati opo vati ka katale ombelela yako, ke i tuminwa kuina mumwaina waxe oo eli koWindhoek.

Ovalihomboli ava vati ova lombwela okakadona, opo ka nangele koo ka shune ashike keumbo lavo olo lili kIipandayamiti efiku la landula ko.

Ove ka lombwela yoo opo va ye nako koundingosho vedina Otsina-Tsina vati va ka landife po ombelela imwe koo ke limonene mo oshimaliwa, shaashi vati ombelela okwa li ihapu neenghono.

“Eshi tuli mondjila twa yuka koukamba tate okwa ula nge po elaka limwe ta ti ota ka landifa nge po. Ame onda ti ngee ododo, oha ndi aluka ko koundingosho, ye ta ti ota ningi ashike omashendjo,” okakadona taka hokolola.

Eshi ombelela ya landwa po, omulumenhu ou vati okwa kala noku li kundifa omukulupe mwene wokandingosho.

Konima vati okwa lombwela okakadona ka kwate omukulupe komapepe, ashike eshi ka anya okushininga, okwe ka lombwela vali ka findikile omukulupe oo keumbo.

“Eshi nda anya okushi ninga okwa ula nge kutya ngee inandi hala ota monifa nge oshiponga,” okakadona taka hokolola ngaho.

Omulumenhu ou, omukulukadi waye nomukulupe ova ya pamwe nokakadona tava findikile omukulupe, ashike eshi va fika podalate yekove laye, okakadona vati oka anya oku twikila, nokufikama podalate. Omukulukadi naye vati okwa kala po nakakadona, manga omusamane a findikila omukulupe meumbo.

Konima omusamane ou vati okwa aluka mo meumbo, ta nhukile okakadona, noku ka kokolola fiyo omonduda yomusamene, omo va hanga omusamane e lidula nale e li mokambulukweva kokoshi.

Mokukondja nokukuwa ngeno ke limangulule, omusamane vati okwe ka denga neengonyo, nomupini, nokuka tilifa kutya ote ka dipaa, omanga omukulukadi waye eka denga omanghava, ta ti naka mwene ota ka weelele.

Ovalihomboli ava vavali vati ova dula nee okakadona aka oikutu, nokuka nangeka pombete yomukulupe.

Omanga inava pita mo monduda, omusamane vati okwa lombwela omukulupe opo a ye nokakadona moixulo manga e li po, ta ti vali ina pa longifwa okoondoma shaashi, vo navo nomukulukadi waye iha va longifa eekondoma.

Kakadona ou eshi a kwatwa keenghono oshikando shotete, vati okwa kendabala ngeno opo a dje mo mondunda ye aye keumbo, ashike ngeno mokupita mo monduda okwa hanga ovalihomboli ava vavali va nangala pokatalashe, veka yala poshivelo shonduda yomukulupe.

“Tate okwa shunifa nge mo vali mondunda, ta ti nandi li dule ndi nangale nomusamane shaashi ina mana. Nghee nee omusamane a nangala te lifola nge, no kapena nande oshikando shimwe a longifa ongumi.

“Okwa li ngaho handi kondjifa opo ndi mu likanyune, ashike okwa li a kwata nge a diinina. Konima okwa ka efa nge, handi djala oikutu yange ashike okwa lombwela nge kutya ita ndi dimbo mondunda omanga ina ku sha nawa. Nghee nee nda kala ndi li omutumba nda teelela ku she, manga omusamane a kofa ta ono,” okakadona ta ka hokolola.

Ongula eshi kwa sha okakadona oka ya keumbo kIipandayamiti, oko ka kalombwela ovakulunhu vako, ovo veke ka twala nokulopotela opolifi oshiningwanima, nokonima oka twalwa koshipangelo.

Konima oka ka uda kutya xegona okwa pula a futwe oN$100 opo eka yandje kaye moixulo nomukulupe.

Omupopiliko wOpolifi  mOshitukulwa shaMusati okwa koleka tutya omukulupe weedula 62 nomukainhu weedula 32 ove li nale konima yekumba. Xe mumwaina waxe yakakadona weedula dihe shivike, okwa faduka po, nota kongwa kopolifi.

KuLoide Jason

LEAVE A REPLY

Please enter your comment!
Please enter your name here