Welwitschias  oya tokola okudhenga ospana yoFrench Barbarians

0
182

WINDHOEK – Omudheuli gwospana yorugby yaNamibia yaakuluntu okwa hogolola ospana tayi hokitha ndjoka tayi ka dhana nospana yokoFransa hayi ithanwa French Barbarians.

Uudhano mbuka otawu ka dhanenwa moToulon metitano ndika, wo mbuka owo uudhano uutiyali tawu dhanwa koWelwitschias ndjoka yili metalelopo lweendo  kiilongo yoko Europa, okudhana uudhano kohi yekwashilialeko lyo Windhoek Draught Northern Hemisphere Tour.

Aadhani gwokonima Russell van Wyk nomudhani gwomokati JC Greyling ota ya ka mona ompito yawo yotango metalelopo ndika , konima sho ya li inaa ya dhana pethimbo Namibia a li a dhana nospana ya Canada moWales etitano lyayi moka a sindika niitsa 13-17.

Muudhano mbuka wetitano ndika omuna aadhani aape yahamano mboka ya li inaa ya dhana nale muudhano wa Namibia na Canada.

Omudhani gwokomeho Tinus du Plessis ota ka dhana muudhano mbuka , shi ikwatelela ngele ota adhika eli nawa , konima yoku ningililwa omakonakono gopaunamiti oshiwike shika. Du Plessis okwa li eehama oshiwike shayi mo Wales na okwa li a shike a tala uudhano pokati kaNamibia na Canada eli pondje.

Ngele du Plessis ita vulu okudhana nena omukweyo gwaadhani yokonima otagu ka lundululwa moku inyengitha aadhani yooMorné Blom , Stefan Neustädt ngoka ta zi pondje okudhana pamwe na  Tjiuee Uanivi omanga  DG Wiese ota kala  a kuutumba pondje .

Vermeulen okwa ti okwa thaneka omalunduluko ngaka ngele du Plessis ita vulu okudhanas naashika otashi ka pitika opo  PJ van Lill a dhane okukala ta gandja etanga. “Otwa hala okukal noompito dhetu dhili ndatu sho osho tatu etamo Stefan Neustädt ngele nani  Tinus ita vulu okudhana. Tjiuee, Blom na Stefan oyo natango aadhani yatatu mboka tatu vulu oku tula muudhano,’  osho Vermeulen a popi okuza ko Toulon.

Russell van Wyk ota ka mona ompito ye yotango okudhanena oshilongo she omanga  JC Greyling ngoka opo a dhanene lwotango mospana ndjika pethimbo yali ya dhengemo ndjoka yokoNdowishi  ota ka dhana melongelokumwe na Darryl de la Harpe mokati kokapale.

“Otwa popile petameko lyolweendo kutya ngele aadhani itatu ya pe oompito itatu ka tseya kutya ohaya vulu okulonga shike nenge okudhana ngiini pomuthika nguka guudhano. Out shishi kutya   David Philander omudhani gwongushu onkene Malcolm Moore ota mono ompito okudhana kooha dhokapale , nopethimbo Chrysander Botha a ehama otuna okulola nkene aadhani yalwe taya dhana nondunge yawo, unene tuu shono twa tegelela  uudhano womanyakwa guuyuni omumvo tuuka,’ osho Vermeulen a ti.

Vermeulen okwa ti ongundu ye yaadheuli ota yi ikonakona yoyene okutala kutya oshike ya ningi shoka sha fala opo ospana yi kanithe uudhano wayo na Canada.Omuntu ito vulu okukonakona nawa aadhani mospana yoBarbarians oshoka mbaka opo ashike ya tameke okudhana pamwe oshiwike shika. Tse otwa pumbwa okutala kutya oshike twa hala oku adha. Otuna oku kala tatu vulu oku pita puyo oku ka tulamo ookoola oshowo okugamena omisinda dhetu opo dhaa pitwe.

 

LEAVE A REPLY

Please enter your comment!
Please enter your name here