Ya pewa omapapa puShinime

0
218

ONDANGWA – Metitano lyoshiwike sha ziko olyali esiku lyondjokonona posikola yaShinime Shiivula mOndangwa. Osikola ndjika oyali ya longekidha esiku ndika lyowina opo ya gandje omakopi nomapapa kwaamba ye gi ilongela.

Ngaashi haye shi ningi shito aavali nayo oyali ya holoka momwaalu omunene opo ye ye ya ninge oombangi yo ya tale uunona wawo nkene tawu pewa omapole. Omukuluntuskola posikola mpaka Victoria Nashongo okwa ti omumvo kehe ngele tashiya pehulilo lyomvula ohaya gandja aluhe omakopi kaanasikola mboka ya longa nawa nelalakano lyoku yatsa omukumo ya tsikile no ku longa nuudhiginini.

Aanasikola mboka ya longa nawa ye vulithe yakwawo oyali ya pewa omakopi, yamwe oonzapo oshowo iikwathitholongo oyindjiyindji. Oonzapo odhali dha gandjwa poondondo dha yoolokathana. Esiku olyali lyopandjokonona oshoka olyali lya longekidhwa nawa naavali oyali ya holoka.

Martin Amakali eli mondondo yotango oye ali a pewa ekopi lyomulongwadhingi moongundu dhopetameko (grade1-4). Amakali okwa kangele ayehe sho a simaneke iilonga ye ayihe yosikola noku yi gwanithapo pethimbo, Okwali a pewa nee ekopi, omedalia yoshingoli,embo lyiiyta , onzapo niikwathitholongo ayihe konyala omulongwa a pumbwa.

Kristof Ndengu naye eli mondondo onti-5 okwali eya kangele ayehe mbono yeli mondondo onti-5 sigo onti-7, Ndengu naye woo okwali a pewa omagano gafa ngoka ga pewa Amakali oshoka ayehe oyo aalongwadhingi yoposikola yaShinime Shiivula nuumvo.

John Akapandi ngono oye omunani gwosikola ndjika okwali a tumu onomenawina Josia Udjombala opo eye a tale nkene osikola ye tayi shi enditha melongo. Udjombala pethimbo ta popitha aalongwa mbaka okwa li eya indile yi itulemo melongo yo ya vule oku yambulapo oonkalamwenyo dhawo noshilongo woo paliko.

Akapandi okwali a gandja omagano goshimaliwa shooN$5000 esiku ndyoka. Oyali woo ya uvaneke taya ka landela aanona ayehe mboka ya pewa omakopi noonzapo omizalo dhosikola dha shangwa omadhina gawo, taya pandula ayehe ya longa nawa noku tsa omukumo mbo taya longo nondende.

Yamwe yomaalongi mboka haya longo iilonga yawo nokuyi simaneka oyali wo ya pewa oonzapo. Maalongi mono omwa kwatelwa nee Lempy Kamatu, Beauty Sheya, Andreas Mahaperera na John Whiteman.

LEAVE A REPLY

Please enter your comment!
Please enter your name here