Eshango etivali lovakwashiwana ovaAngola ola tameka

0
201

ONGWEDIVA – Eshangifo etivali  lovakwashiwana vaAngola ve li moNamibia, otali twikile  fiyo Noveba, 30, 2014.Angola  na Namibia otava longo noudiinini okuxulifa po omukundu wovaAngola va ninga eindilo lokukala moshilongo va mone oufemba wopashiwana. Ongudu yovanambelewavaAgnola 15 petameko laNoveba  ,01, 2014 oya eta outwe vovaAngola va ninga nale omaindilo notai shange ovakwashiwana vehe na edokumente dopashiwana ve li moNamibia. Ovanambelewa vaAngola ve li 15 ova yandja outwe veenhauki mokamba yeenhauki mOsire.Omunambelewa wombelewa yoUNHCR, Nkrumah Mushelenga okwa yandja ehokololo eli.

Ovanambelewa va dja koshikondo shoikwameni, shoikwapondje nokoshikondo shouyuuki shaAngola, ova twikila neshango lovaAngola momikunda okuva pa omikanda doukwashiwana epasport nomaufemba okukala moshilongo.  Omukalo ou, otau dpopile eenhauki okuya moishiindalongo Botswana , South Africa ilo moZambia nomoiongo ikwao.

Eyooloko lavo kovatalelipo tava di keumbo lavo, otava pewa  eepermeta tadi kalelele  mopasport mwa tulwa oshihako shepangelo laNamibia tashi fatulula kutya, omukwashiwana waAngola e na oufemba wokukalelela moNamibia. Shikweao,  outwe vaAngola otava dulu kukwafela eenhauki okupatulula oumbo meenbaanga,  okuninga eengeshefa  nokumona omayakulo taa pumbiwa.

Omunambelewa wombelewa yoUHCR okwa ti, ava tava yakulwa paife ovovo va kala mOsire inave lishangifa, va kala tava longele omu vehe na eembapila, va futwe oshimaliwa sha ufwa koveta voo vaha fipwe ohonde kovanangeshefa vamwe. Konima yeshango, otava dulu kwiindila kepangelo li va pe oufemba wokukala mo. Omukalo ou otau amene ava hava longo va kukundafane novanamelewa vokoshilongo shavo, vaha ningilwe vali omafininiko okuumbwa moshilongo ngee tava pula eendjabi. Eembelewa dopolifi nepashukilo loivelo koupitilo weengaba, oda tulwa po okwaamena ovo tava  monifwa oixuna kovananghono veliko. Mushelenga okwa ifana ovaAngola aveshe ve li moNamibia vehe na eedokumente doshilongo shaAngola ve lishangife kovanambelewa vambulavo. Te va kumaida vaha hondame  opo ngee efimbo leshango la pu ko, va hangike ve shiivike koovene vomikunda, ta pula ovayandji voilonga ve va efe va ka pewe omikanda.

Komutoolinghundana

LEAVE A REPLY

Please enter your comment!
Please enter your name here