Hoebeb a popile elandulathano lyaNPL nando olyuudha sha pitilila

0
251

WINDHOEK – Omuleli omukuluntu moliha yuudhano wetanga lyokoompadhi nenge MTC Namibia Premier League[NPL] Tovey Hoebeb okwa gamene etokolo lyolutu oluwiliki lwoliha ndjika a ti  okudhanitha omaudhano gaali mehulilo shiwike  a ti shika otashi ka hupitha oospana unene melongitho lyoshimaliwa.

Aadhani mboka haya dhana moliha ndjika oyu uvite ya longa nale noonkondo konima ashike yomaudhano gomadhingoloko gaheyali. Oye uvite kutya ngele momahulilo shiwike oya kala haya dhana lwaali unene tuu omalweetho ga landulathana nena otaya ka vulwa mbala. Yo aayambidhidhi yoospana oyu uvite wo kutya omaudhano ogendji ota ge ya kutha iimaliwa oyindji mondjato uuna ye na okutala omaudhano gaali ehuliloshiwike kehe.

Sho a pulwa Tovey  Hoebeb okwa ti kena ontseyo kutya oospana kadhi uvitile ombili  etokolo lyoliha opo mehuliloshiwike mu kale hamu dhanwa omaudhano gaali, okwa gwedhapo a ti oospana adhihe 16 odha li oshitopolwa shetokolo ndika pethimbo lya li lya ningwa.

“Oospana adhihe odha li dha kalelwapo poshigongi shaayehe shokomumvo, shoka sha li sha tala oompito adhihe kombinga yomalandulathano guudhano, nokonima sho oshigongi sha konakona oompito nomikalo dha yooloka  kombinga yelandulathano odha tokola noku tsa kumwe kutya na pa kale hapa dhanwa omaudhano gaali ehulilo  shiwike kehe. Onkene shika osha haluthandje kutya oospana ndhoka  otadhi nyenyeta oshinima shika.,”

“Kehe gumwe okwa li wo a tsu kumwe kutya okudhana lwaali mehulilo shiwike  ogwo omukalo gumwe okushonopeka omalweendo oshowo iimaliwa yokufutila omahala gokulala, dho oospana adhihe odha li dhe shi zimina, epulo oondika kutya omolwashike ndhika tadhi ngungutula ngashingeyi.,”Hoebeb a pula.

Kombinga yaa yambidhidhi mbaka otaya mono uuwanawa molwashoka uudhano mbuka owuli uyali oshoka shika oshili muuwanawa wospana oshowo aayambidhidhi yayo. Oshiholelwa ngele mOlyomakaya okuna uudhano uyali nena aayambidhidhi otaya vulu okulongitha okatekete kamwe okukala pomaudhano ngoka gaali  mokulongitha haka pomaudhano ngoka. Shika otashi vulu wo okuningwa mOsoondaha muudhano womesiku ndyoka.

Okwa ti ngele etokolo lyoshigongi shaayehe olya lundululwa kombinga yetokolo lyoospana dhi dhane lwaali mehuliloshiwike nena otashi ti oshigongi shaayehe oshipe shokomumvo oshina ishewe okugongala, sho shika otashi vulu ashike okuka ningwa muAguste omumvo tuuka.

Omudheuli gwoBlack Africa, Brian Isaacs na ye okwa joina mboka taya nyenyeta kombinga yaashika a ti. “ Oshili ooshoka kutya etokolo ndyoka kalili muuwanawa wuudhano wetanga lyokoompadhi, ngame inandi li pandula no itandi li yambidhidha. Oshoka otali tula aadhani yetu monkalo yaali nawa naambaka otaya loloka mbala oshoka ihaya mono we ethimbo lyokugodhipukwa nenge lyoku vululukitha oontumba dhawo. Oto tegelele ngiini omudhani a dhane ehuliloshiwike ndele owa hala ishewe omudhani oye tuu ngoka a ka holoke komadhewo Omaandaha, shika oshinima itaashi vulika nando,” osho Isaacs a ti.

Omudheuli gwoAfrican Stars, Woody Jacobs naye okwa pangula elandulathano lyomaudhano lyoliha ndyoka lyuudha noonkondo, a ti shika kashi li nawa nuudhano wetanga lyokoompadhi. Ndele okwa ti ye okwa li eshi pondola okutaaguluka eshongo ndika molwashoka okuna aadhani oyendji mokati kaamboka ye ta vulu okuhogolola.

KuOtniel Hembapu

LEAVE A REPLY

Please enter your comment!
Please enter your name here