Jay R ta imbi, ye ita sholola

0
247

WINDHOEK-Johanes Petrus, a tseyika nawa nedhina Jay R, omulumentu omushona lela ngele tashiya moongalo, ashike ngele tashiya poku imba oye enyakwa kaakunawe.

Omumati nguka okwakokela ashike monooli mOndangwa, Jay R okwa kala ena etegameno oku kala omuhikingalo ngoka adhenga mbanda moNamibia. “Ngame onda koka ashike te pulakene oongalo ndhoka dhopondje yoshilongo ngaashi dhooUsher Raymond, mboka ya etandje ponkatu yoku imba,” Jay R ta ti ngaaka.

“Ohandi shanga oongalo ndhoka tadhi zi komutima gwandje mwene, unene tadhi popi kombinga yonkalamwenyo, aakadhona nohole,” Jay R tagwedhapo ishewe.

Jay R okwa tamekele oku imba mo2008 ethimbo ali a tseyithwa kukuume ke kopothingo DJ Simz, moka aka tameka okutsakanena naahikingalo ngaashi Ruk, naMaj-Beats mboka ye mu ningile omikwelengendjo dhoongalo dhe.

Jay-R oha imbi oongalo dhoRnB, Afro Pop noHip Hop. “Paife otandi longo manga noalubuma yandje ndjoka tayi ka ithanwa The Music, Me&you. Oalubuma ota yi kapita pehulilo lyomvula ndjika naaholi yoongale dhandje nay a kale ya ilongekidha,” Jay R tati.

KuPinehas Nakaziko

 

LEAVE A REPLY

Please enter your comment!
Please enter your name here