Muni waShakati natango, ota tungu omaumbo mahapu

0
298

ONGWEDIVA -Vahapu va ninga eedula hava taulwa momaumbo avo kefundja, epulo lavo la nyamukulwa  kelelo lodoolopa yaShakati  Epangelo ola longekida eebillion 45 di tungifwe omaumbo  omayovi 185 000 keembinga neembinga doshilongo moule weedula 17 komesho. Elelo lodoolopa yaShakati oli li yoo ombinga yomafaneko epangelo  pashikulafano lokutunga omaumbo 400 taa ka tungwa kEkuku, ofimbo kEhenye taku tungwa omaumbo 249.  Ei, omhangela yepangelo nomalelo eedoolopa okulongifa oshimaliwa shoTIPEEG okukandula po omhumbwe yomaumbo moshilongo. Edi, oda kolekwa komupopili ko welelo lodoolopa yaShakati Jackson Muma. Muni waShakati okwa lyomukuli weemilliona 50 koDevelopment Bank of Namibia, mondjato yaye ta kufa mo eedola eemilliona 20 okutula moilonga eeprojeka domayambuke po okulongekida edu, okutunga oitauwa,okutula mo ominino dokweenda omeva ohanya nokutula mo olusheno neelamba dokutema momapandaanda . Muma ta ti, Muni waShakati ota tembula po amwe omalukanda eenhulilwa e dule omulongo, nokwa tembula yoo nale ovakali momaumbo opamufyuululwakalo 2012, a tunge omaumbo eendodo da yooloka di fike punhano she likwatelela koyuuye mo yovalandi. Okwa tula po eenghatu da yooloka nghee ta longo. Okontrka Mavinga Trading cc otai tungu eendjila ofimbo okontraka yaHPK tai tula mo oundama, ominino dokweenda omeva ohanya nomalusheno. Mondungefaneko yakula yaMuni omwa kwatelwa okutunga eenhopa nhatu, okuwapeka omulonga womatondokelo omeva a finda monhele taa ongala notaa ka dula kupanunwa mo ngee pwa holoka omhumbwe yomeva. Elelo ola longikida kutula ko omutunda wokukelela omeva modoolopa. Okwa teelelwa meni lefimbo lixupi Municipaliti waShakati a ka yandje omaumbo omwaao a tungwa koNHE eendodo da yooloka aama lwokombinga yokatomeno kaMeatco a ka yandjwe koovene meni lefimbo lixupi. Elelo oli na omusholondodo womadina ovaningi vomaindilo modoolopa yaShakati. Pashikulafano eli, vahapu va ninga eedula va teelela omaumbo otava ka ninga elao. Komutoolinghundana

LEAVE A REPLY

Please enter your comment!
Please enter your name here