Mwene gwomukunda a mitike okanona kosikola

0
280

OLUKONDA- Mwene gwomukunda gumwe melelo lyaNdonga  okwa longo iilonga yi kumitha sho anuwa a simbapaleke noku valitha okanona koskola.

Ota ku hokulolwa kutya, mwene gwomukunda nguka okwa tameke okuya miihulo nokanona haka omanga kali kena oomvula 16.

Pakotampango lyoshilongo oku ya miixulo nokanona komivo 16 nenge okashona osha talika ko osho ekwatonkonga.

Shi tashi kumitha ooshoka kutya anuwa, omusamane nguka tango okwali kuume komiihole ka yinakulu yokanona, sho yiietha, okwa ningi po gwosheeli shomukulupe yinakulu yokanona. Nopethimbo a mitike po okanona, mwengwomukunda nguka a hokana nokuna okulukadhi megumbo, anuwa okwa adhika eli miihole ishewe nontowele yomukulupe oye tuu ngoka.Yinagona yokanona ngoka aadhika e li namwene gwomukunda anuwa okwa adhika a ningilwa okandunda komalandithilo, moka mwa kala hamulongo okanona haka pomafudho gosikola, opo a monene uupitilo oku ya nokanona miihulo.

Konzo ndjono ya gandja uuyelele oya holola kutya, omukulupe nguka gwoomvula 62, ngono eli mwene gwomukunda nokuli woo amushanga gwehale lyuuwa otaku fekelwan a kala ha yi miihulo nokanona kosikola hono a mitike nongashingeyi okanona haka okena okanona koomwedhi ndatu.

Okanona oka hokolola kutya omukulupe nguka okwa kala hayi naye miihulo, ha longitha omukalo gwokumuheka noku mu ningila omatilitho omadhigu. Anuwa limwe lyomomasiku okwali emu kuthile ondjembo sho ali a tindi aye naye miihulo,

“Okwali a lombwele ndje opo kaandishi popye nande okulye oshoka anuwa ngele ondeshi popi ota dhipagandje,” okakadhona taka ti ngaaka.

Okanona haka anuwa okwa li haka longo pokandunda kamwene gwomukunda hoka a ningila yinagona pethimbo lyomafudho oshoka okwali eli mondondo 11 kosekondele ya Nehale.

Omusamane nguka anuwa oha lombwele owala omunona nomagandambadhi kutya “ihula tu dhana dha nepo” ko okanona muutilw\e otaka ihula, okwa kala nee he ka heke niimaliwa ye te ka landele iikulya nge taka shuna kosikola.

Omusamane nguka anuwa okwa li a lombwele okanona opo kaa kapopye kutya epunda olye ta ti naka popye owala kutya olyomupopi weleka lyOshikavango ha litha iimuna. Ta ti okanona ngele ka valwa ne ka lukwe Eixab Abraham ngele okamati, ko ngele okakadhona ne ka luke Taimi.

Mu Juni nuumvo aalongi koNehale oyali ya laleke ko kosikola okanona haka oshoka epunda olyali enene. Okanona sho keya kegumbo oka kala anuwa noku pulwa kutya epunda olalye ashike oshoka oka tila okudhipagwa ku mwene gwomukunda okali ka tindi okupopya nonande ka ka popya ngaa oshili konima.

Mwene gwomukunda okwa kala anuwa ta henuka olundji nokonima sho a mono kutya ayihe ta kambadhala itayi piti okwa li a gandja oshimaliwa shooN$200 kuyinakulu yomunona nedhina kutya omunona oye Nangombe, emu lukila anuwa elenga li mwe mOndonga. Anuwa  okwa li eshi koleke kutya oye a mitike po okanona.

Petameko lyoshiwike shika, elelo oliithana mwene gwomukunda nguka kiihokolola kuuwa, hoka aanamukunda yali ya holoka momwaalu omunene oshoka oyali ya hala nokuhalelela okupulakena yo ya uve shoka omuwiliki gwao ta tokolelwa.

Nonande ali a holoka esiku olyo tuu ndyoka, manga ashike aantu ya tegelela ya ka pulakene omukulupe nguka okwa li a fadhuka po sho a nokuhinga po ohauto ye puuwa nokuya inaa popya nande kutya otayi peni.

Elenga Oscar Sheehama ngoka a tumwa kOmukwaniilwa gwaNdonga tatekulu Immanuel Elifas okwati nande omusamande nguka a fadhuka po ngawo elelo ota li ka longa iilonga yalyo noku kandula po omukundu nguka mbala, ta lombwele aakwanezimo ya kakadhona kutya oku uvite olukeno pamwe nayo nehokololo okweli uva, otaya tsikile niilonga yawo muuwanawa woshigwana.

KuMaria Namupala

LEAVE A REPLY

Please enter your comment!
Please enter your name here