Okanona ka adhika nomwenyo moshikweyo konima yomasiku gatatu

0
302

ONANKALI –  Aakwanezimo yokanona koomvula ne (4), otaya gandja olupandu lwawo noku hambelela Kalunga sho okanona kawo ka hupu moshiponga oshidhigu, sho ka ninga omasiku ka kakana noka adhika ke na omwenyo moshikweyo shina omeya ogendji.

Pehulilo lyomwedhi gwa ziko momukunda Etaneno mOnankali mOndonga omwali mwa kana okanona kokamati Megameno Johannes Angolo. Yina ya Megameno Taimi Helena Johannes okwa hokolola  kutya oyali ya kanitha Megameno uule womasiku gatatu. Oshali enyanyu enene kaavali yokanona haka okumona omwana ngoka a ningi omasiku gatatu a kana.

“Otwa ningi oonkambadhala dho ku mu konga ashike otwa hulile muunyengwi,sho twa mono kutya Megameno ka tu mu wete konima yomasiku agehe ngoka ondali nda tokola , ndi ye kopolisi ngame ndi ka lopote oshinima shika shokanona ka ka na, otwa li tweya nopolisi komatango gesiku ndyoka” Taimi ta ti .

Aanamukunda kumwe nopolisi oyali ya tokola opo ya tale muukweyo oshoka anuwa oya kala yena omaipulo ogendji  no ya kala taya dhiladhila kutya ngele okanona hano ina ka gwila moshikweyo, oka likapo owala komayoka.

Omanga aapolisi naanamukunda yeli pokakweyo kamwe taya kambadhala ando oku tala noku konga ya tale ngele okanona taye ka mono, ohaluka anuwa  moshikweyo mwazi ewi lyokanona taka ithana meme gwako, oshali oshihaluthi noonkondo oshoka anuwa moshikweyo mono omo hamu tekwa kaanamukunda kehe esiku mo omo haya hugile iimuna yawo ashike omasiku agehe ngono i naya mona ngele omuna okanona.

Gumwe gwomaanamukunda okwali a ningi onkambadhala opo a ye moshikweyo ye a tale ngele okanona shili ke limo, nonkumwe okwali a mono kutya okanona ha keli moshikweyo oko ha ka ningi esiku ta ka kongwa, oyali ye ka kuthamo ethimbo olyo tuu ndyoka, sho taya hokolola oya ti oya adha ashike ka kuutumba kemanya lili pekololo nonande moshikweyo muna omeya ogendji ina ka mona oshiponga.

Megameno mo ku monika kwe okwa li a halutha oomwenyo dhoyendji oshoka kapuna ngoka eshi kutya moshikweyo okwa yimo ngiini no kwa hupu ngiini, okwali a falwa koshipangelo esiku olyo tuu ndyoka ashike ndohotola okwali eka ningile omakonakono no ku ka fala komathano ashike anuwa ka kakena uupyakadhi nonande kali kena uuposho uushona,ndohotola okwali eya lombwele ya ye kegumbo yo ya ka pe okanona iikulya oshoka okali ka sa ondjala noonkondo.

“Ngashingeyi otatu hambelele Kalunga onzi yetu ya monika, Megameno gwetu ngoka a ningi omasiku a kana a monika okwa kala megameno lyaayengeli,ina mona nande oshiponga ota tu hambelele Kalunga molwa iilongankondo ye mbyoka eyi tu longele twa adhika no kuli twa hupula okaana ketu ashike esilohenda lyomushiti enene, onkee otatu popi nga omuPisalm 103 ngoka tati Oomwenyo gwandje haambelela Omuwa , ngoye ino dhimbwa uuwanawa ewu ku ningila” Yina ya Megameno ta ti nga.

KuMaria Namupala

LEAVE A REPLY

Please enter your comment!
Please enter your name here