Ompumbwe yoshimaliwa ya kateke etameko lyuudhano woFirst Division

0
202

ONGWEDIVA-Edhingoloko lyuudhano woFirst Division inali tameka mbala molwa omatompelo goshimaliwa okuzilila komukwashilipaleki ,Fillemon Vatlifa ta ti.

Fillemon Vatilifa ngoka eli omunashipundi goshimpungu sho First Division koNooli okwa ti oshimaliwa shoka hashi pewa Oosipana dhomo First Division shiinyangadhalwa  no  hashi ziilile kehangano lyo MTC, osho sha li shayi oliga moshipala oshoka ka shali sha futwa pethimbo.

Vatilifa ta ti ngashiingeyi oshimaliwa shika osha gandjwa kOosipana nuudhano mbuka owa tamekele iiwike iyali ya ziko moka Oosipana  dha dhana nale omadhingoloko geli gane.

Kombinga yomvula ndjoka hayi yi omaudhano moshipala Fillemon okwa ti nguka oguli omukundu omunene unene tuu kuupale mboka kauna ongwena oshoka oha wu udha omeya na iha wu kala monkalo tayi vulu okudhanenwa omaudhano go pamuthika.

Onkene ota ti shika natango otashi keya thiminika opo ya undulile omaudhano komeho ngele omvula oya kaya uudhano moshipala.

Kombinga yooliga dhoFirst Division sho dha topolwa muutayi gona uushona moshilongo ashihe Vatilifa okuuvite kutya shino otashi kapa iitopolwa ayihe moshilongo ompito ombwaanawa opo yi kale hayi kutha ombinga methigathano enene lyoosipana mOshilongo ano lyoNamibian Premier League.

“Ethigathano ndika lyo First Division olyo ashike omweelo goku pitila okuya ko Premier League onkene Oosipana ndhika odha pumbwa eyambidhidho lya kehe gumwe ,”Vatilifa ta ti.

“Onkene otandi indile aantu ayehe opo ya ninge haya thiki puupale ya yambidhidhe Oosipana dhawo  uunene tuu uuna taku dhanenwa megumbo ngaashi kokapale kokEmbandu/Uukwangula”.

Ethigathano ndika nando olili owala petameko Oosipana dhimwe odha ninga shanamutango kesindano nadhimwe odha tameka tadhi shongola nale, Osipana yo Golden Bigs oyo yimwe ya tameka nawa sho ya dhana omaudhano gane noku ga sindanapo agehe, no ya kuutumba kombanda yoshitaafula sholiga.

Onambula United yokoTsandi oya tameka nuunkundi sho ngashingeyi konima yomaudhano gane yina ashike iitsa iyali noyili tayi etelele okano oshinima ota shi limbilike.

KuShipi Elago

 

 

 

 

LEAVE A REPLY

Please enter your comment!
Please enter your name here