Omunahambo a yahwa ku mukwawo nondjembo

0
296

ONDANGWA –Omulumentu gumwe okwa kwatwa po kopolisi na okwa tegelelwa okuholoka mompangu ya mengestrata gwaNdangwa mbala, konima sho anuwa a yaha mukwawo nondjembo pamukalo tagu kumitha.

Pahokololo lya gandjwa koombangi ndhoka dhali po sho oshiningwanima shika shingwa, omulumentu gwomimvo 29 okwa si eso lyombaadhililila komatango gEtitano, oshiwike shayi  sho a yahwa komufekelwa nondjembo ye.

Otaku hokololwa kutya Andreas Johannes ngoka a yambukile momukunda Okiimbi mUukwiyu-Uushona nokwa omuniilonga kohambo koombinga dhaKatyali, mEtitano mono okwali anuwa a zi megumbo nondjembo ye a ka konge uushikependjewo we puundunda wuli popepi.

Johannes ngono anuwa okuya puundunda okwa adhapo mukwawo ngono a li ta pula ondjembo ashike anuwa oshoka ondjembo ka yali yina iikuti okwa li eyi tindile mukwawo ngoka. Kuuyelele wa gandjwa kwaamboka yali poshiningwanima otaya hokolola kutya aamati mbaka inaya nyenyeta nande ashike Johannes okwa li a ka konga ehalasa lyomalovu ye andola a kuutumbe iikuthe enota.

Johannes anuwa mo kuya okwali a tula ondjembo ye ndjoka yomushasho pooha dhe, nani sho iipyakidhila no kunwa ye naku fekelwa okwa kutha po nale ondjembo, ayi nayo pondje. “ aantu mbono yali po oyu uvu owala omutopelo gwazi pondje, ye Johannes okwali a zimo mbala mondunda noku ka tala shoka sha ningwa po oshoka nani ondjembo ye oya kuthwa po, sho ayi pondje okwa endelele ye ando a ka kuthe ko ondjembo ye ashike nakufekelwa okuumbu nokuyaha Johannes ngoka manga inaa thika,” Gumwe ngoka a li po ta ti.

Aakwashigwana mboka ya lipo oyali ya gongala noku ithana opolisi meendelelo ndjoka ya adha Johannes a hulitha nale, naku fekelwa moshinima osho tuu shika okwali a kwatwapo esiku olyo tuu ndyoka nokuli miikaha yopolisi ngashingeyi.

Emerita Shikomba omukwanezimo lya nakusa okwa ti oya longekidha ya pake nakusa gwawo ngoka asi eso lyombaadhilila mEtine lyoshiwike shika okuziilila pOnakamwandi .

KuMaria Namupala

LEAVE A REPLY

Please enter your comment!
Please enter your name here