Opate Onayena- Omahenge ya patululwa pambelewa

0
278

OMALAMBO- Minista gwiilonga niiyenditho Erkki Nghimtina etiyali lyoshiwike shika  okwali a egulula pambelewa opate yongalama ndjono ya kala tayi longwa pokati kOnayena nOmahenge.

Pethimbo ta popitha aakwashigwana Nghimtina okwa ti epangelo olyi ilongekidha okulonga oopate momikunda opo aakwashigwana ya vule okulongitha oondjila dhongushu nodha gamenwa.

Opate ndjika oyeenda momikunda ngaashi Ekaha, Oniihwa,Ondumetana nOnuuya. Nghimtina tati opate ndjino oya gandja iilonga kaagundjuka yeli po300, yaza moshitopolwa shaShikoto nOhangwena,noya kotha omwaalu gwooN$45.57 oomilliona opo yi thikamepo nomwaalu nguno aguhe ogwa gandjwa kepangelo lyaNamibia.

Nghimtina okwa indile aalongithi yoopate opo ye dhi  longithe nawa , yo yedhi kaleke pamuthika omwaanawa dhi vule oku longithwa komapipi ta geya. “Otatu tungu oopate opo tu yande iiponga ,otandi pandula aakalimo yomOshikoto noyomoshitopolwa shaHangwena sho ya gandja elongelokumwe sigo opate ndjika yapu oku longwa,”Nghimtina ta ti ngaa.

Omunambelewa omukuluntu moRoads Authority, Conrad Lutombi okwa ti kakele kopate ndjino ya egululwa pambelewa , opuna oopate odhindji tadhi longwa no yena elalakano oku opaleka oondjila dhi kale pamuthika gwolela. Lutombi ta ti ngaashingeyi oyi ipyakidhila nopate yUukwiyushona-Omuntele, Omuntele-Amilema oshowo ndjoka yEtomba- Omundaungilo ta ti adhihe ndhika odha tegelelwa dhi kale dhapwa momvula ta yi ya.

Ngoloneya gwoshitopolwa shaHangwena Usko Nghaamwa okwa pandula epangelo sho tali kambadhala oku eta uuwanawa koshigwana,tati moshitopolwa shawo oopate odha kambakana ngashingeyi ihaya mono we iihuna koondjila . Nghaamwa okwa indile aakwashigwana ya kalekepo iinima yepangelo yo yi  kwatwe nawa oshoka epangelo olyo oshigwana.

KuMaria Namupala

 

LEAVE A REPLY

Please enter your comment!
Please enter your name here