Osipana Khuse ya sindana muudhano moliha

0
240

OSHAKATI-Osipana yaKhuse Football Club ndjoka opo ya mono ompito yokudhana lwotango momoliha yopondondo ontiyali moshitopolwa Oshana  oya tameka uudhano wawo nawa sho  ya tameke nesindano.

Ngele ondjokonona otayi vulu okukwathela nena osipana ndjika oyina ko ashike oshikako shimwe opo yi kambanduke koPremier League.

Ondjokonona yOsipana ndjika oye shi ulika kutya kehe ethigathano haya kutha ombinga ihaya thigi emanya lya londa kekwawo oshoka ohaye li sindanapo.

Osipana ndjika konyala sho ya totelwepo mo 2006 ongo oshiputudhilo shoku dheula aadhanitanga yomimvo dho pevi, oya li ya sindanapo uudhano hawu ithanwa YDF waamati yeli kohi yomimvo 15 mo 2010.

Aamati oyo tuu mboka taya ka dhanena Osipana ndjika muudhano waamati yeli kohi yomimvo 17 mo 2012 ta ya sindana ishewe  inaa ya dhengwa.

Khuse FC oya li yamono ompito oku kadhana lwotango koliha yokOmaalala yo 2013-2014 moka ye pondola oku sindanapo oliha ndjoka nongashingey oya mona ompito okudhana methigathano lyoosipana dhomo ndondo ontiyali moshitopolwa Oshana.

Malakia Khuse ngoka  oye mwene gwosipana ndjika ota ti oya tulapo omutengenekwa faneko gwosipana ngoka gwatala komimvo omulongo dhili komeho.

KuShipi Elago

Ta ti shika oye shiningi momukalo gwokwiiputudhila aadhani sho yeli yena aadhani okuza nale pomimvo 9 okuya pombanda mboka ta ti oya konda pethele mboka haya idheula kohi yo Cluba ndjika.

Sho Kundana ali a talelepo ehala lyomaidheulilo lyOsipana ndjika okwa adha aamati mbaka aagundjuka taya idheula shili ya manamo nando kayena omudheuli pampito ndjika.

Martin Valombola omudhani gwokomeho gosipana ndjika okuli nale endangalati kaadhani yokonima naakwati yoosipana dhomo Second Division na kapuna ngoka a hala okumutaalela molwa ondapo ye nompadhi ye ndjoka yi hole ookoola.

Khuse FC otayi ka itaalela na J.Aron FC mehulilo shiwike ndika.Pethimbo ndika ospana ndjika ya Khuse FC ohayi kwashilipalekwa kOmavinga Trading.

LEAVE A REPLY

Please enter your comment!
Please enter your name here