Ospana yoWelwitschias otayi i nkondopeke

0
158

WINDHOEK – Aadhani yokomeho Quintin Esterhuyzen na Shaun du Preez oya ithanwa opo ya ka dhanene ospana ya Namibia yorugby muudhano wawo na Portugal mo Carcavelos.

Uuudhano mbuka owo tawu kala wa hugunina metalelopo lyospana ya Namibia kohi yekwashilipaleko lyo Windhoek Draught .

Mbaka yaali otaya joina  ospana ndjika oshiwike shika okupingenapo Jaco Engels, ngoka natango inaa aluka nawa konima sho a monene oshiponga shontumba ye yimwe pethimbo lyuudhano wawo nospana yo French Barbarians.

Engels ota pangwa ,neyaluko lye ota li kala noku landulwa, omanga aadhani yethimbo kehe yokomeho Johnnie Redelinghuys na Andrè Schlechter oya galukila nale kegumbo omolwa iinakugwanithwa yopaumwene.

Ezulo lya Tinus du Plessis ngoka a li eehama puudhano waNamibia na Canada mo Wales nalyo otali tsikile.Omunamimvo 27 du Preez okwa dhanene Namibia lwotanggo sho nguka a li a dhengemo Kenya niitsa 55-35 moVenduka mu Novomba 16 omumvo gwayi. Sigo oompaka nguka okwa dhanena Namibia iikando yili ine.

Esterhuysen ngoka a li inaa dhanena nando Namibia lumwe okwa tulwa mospana ndjika sho a ulike kutya ye omudhani omwaanawa pethimbo a li adhana muudhano woshiwike sha  Craven nospana yaadhani yokohi yomimvo 19 naandjoka yokohi yaadhani yomimvo 20.

Ospana ya Namibia  Welwitschias oya thikile moPutu Osoondaha  okuza koToulon sha France hoka ndjika ya li ya dhengwa kospana yo French Barbarians ookoola 14-35.

Ospana oya vululukwa po manga kashona konima yoku thika moPutu opo ihe oya tameke ishewe oku ilongekidhila uudhano wayo naPutu Olyomakaya ndjika.

Komutoolinkundana

LEAVE A REPLY

Please enter your comment!
Please enter your name here