RDP okwa hala oshidjemo mekonaakono lefyo laNdatipo

0
265

ONGWEDIVA – Oo a li nale omuulikwa momahoololo oukansela moshikandjoohololo Ohangwena Vilho Shimwooshili ota pula opo vati opo opolifi i yandje omushangwa hokololo okudilila momakonaakono ena sha nefyo laFrieda Ndatipo, okaana kekondjelo manguluko oko kali ka dipawe pefimbo lelidengomumwe pokati kovanyasha ava nopolifi.

Shimwooshili woRally for Democracy and Progress (RDP) edi okwe di popya omanga ali ta popifa oshigongi shongudu yaye omafiku aa moHelao Nafidi.

“Moshilongo omu omuna oinima tai linyenge ndele presidende okwa mwena, eendeleka oda mwena, Xe yoshiwana okwa mwena. Otuna okaana kekondjelomangulu oko ka li ka dipawa omafiku aa, ndele oka fya ashike kafa odi ya wila komashini. Otwa hala nokuli Swapo etu fatululile kutya oshitya “Xe yoshiwana” [osho hashi longifilwa Omukokoli Presidende Dr. Sam Nujoma] otashi ti ngahelipi.

Shimwooshili ta ti opolifi na i ninge i yandje omushangwa hokololo mekonaakono lefyo laNdatipo, shaashi paife opa pita unene efimbo noule, nekunaakono ngeno oli na oku kala la pwa.

Shimwooshili ta lombwele yoo ovayambididi novafinghenda voRDP kutya ongudu yaye oyo ashike ongudu ta i dulu oku tula oshilongo pomufika uli nawa shaashi ongudu yoSwapo oya nyengwa okushi ninga.

Ta pula opo ovayambididi vaye opo va kahoololo omupresidente wo RDP Hidipo Hamutenya ta tu ongudu yaye ngee oya pewa i pangele oshilongo, ota i ka indjipaleka oshimaliwa shovakulupe shokomwedi fiyo opo N$1000, nota i ka pa Omunamibi keshe eli  momhumbwe oN$100 komwedi.

KuHelvy Shaanika

LEAVE A REPLY

Please enter your comment!
Please enter your name here