Seaflower a ulika Maria womoBBA Chase a kale omukalelipo meyambidido oshiwana

0
600

Luderitz _ Maria Nepembe oo kwali akalelapo Namibia moudano wo Big Brother House the chase modula 2013, okwa ulikwa opo akalelepo oshikondo osho shi nasha noku yadja omavatelo moshiwana, okudja mwaasho sha likolwa kehangano lokukwata eeshi lo Seaflower Group.

Omunambelewa pitifi ta kwafele mo Seaflower Mike Nghipunya okwa tumbula kutya ehangano lokukwata eeshi lo Seaflower okupitila moshikondo osho hashi yandje omavatelo keefikola ,kovakulupe, noshotuu kovanhu ovo va talika vena omhumbwe, ova ulika Maria Nepembe opo akalelepo oshikondo eshi nelalakano a shiivife ehangano lo Seaflower Group kutya ohalilongo shike , nongahelipi nohalivatele oshiwana nomukalo uli ngahelipi, mokushunifa sha  moshiwana kwaasho valikola.

Nghipunya okwa tumbula kutya omukalo ou woku ulika Maria onga omukalelipo woshikondo shinasha nokuyandja omavatelo ou li yoo wa kufa ombinga moku nghonopeka ovakainhu moshilongo, no mo ku etapo ekwa afano loludi eli , Nghipunya okwa tumbula kutya Maria oo ena ongeshefa yaye ili koGhana yee okuli yoo omuuliki woidjalomwa (model) okwelineekela kutya ovanhu vahapu ota va kashiiva ehangano loSeaflower okupitila mu Maria.

Maria okwali metalelepo laye loule womafiku atutu modoolopa ya Luderitz mexulilo shivike olo twadja, nelalakano okuli talelako yeemwene kutya ehangano lo Seaflower ohali longo naana ngaelipi, noku tala yoo odoolopa ya Luderitz.

Maria okwa li yoo a mona omhito yoku kala peyandjo leeshi difike pee tona dili 6 da yandjwa kehangano lo Seaflower. Eetona 5 oda pewa ombelelewa ya Ngoloneya wa //Kharas opo ika topolelwe ovo vena omhumbwe yeendja moshitopolwa sha //Kharas. Omanga otona imwe yeeshi ya pewa ovanaudu vo HIV ovo veli kepango ndele kavena oikulya ya henena moshikandjo hoololo sha !Nami#nus, neeshi edi odapewa Omukwatakanifi wo CACOC moshikandjohoolo sha !Nami#nus melongelo kumwe noshihakulilo shepangelo mo Luderitz.

KuTuulikki Abraham

LEAVE A REPLY

Please enter your comment!
Please enter your name here