Uudhano woongonyo mOshakati mehuliloshiwike ndika

0
238

OSHAKATI-Ehuliloshiwike ndika Kilimandjaro Boxing Club ota ka nyanyudha aakalimo yomodoolopa yaShakati sho ta ka kala ena uudhano woongonyo waamati yomimvo omishona.

Okalaba ndjoka oyo  yina yuudhano woongonyo koNooli ota yi kiitaalela noKalaba yaadhengingonyo yoko Walvis Bay yedhina Walvis Bay Boxing and Fitness Academy.

Uudhano mbuka otawu ka ningilwa pehalandjandja lyoongesefa dha Mvula Munyaango Olyomakaya ndjika okuza potundi ontihamano yokomatango.

Uutekete waamboka ya hala ya ka kale kiipundi yokomeho otawu kosho N$ 200, mwa kwatelwa nasha shopomunino.

Uutekete wakwalukehe otawu kosho N$ 30, kaakuluntu omanga uunona tawu ka pulwa ashike oshishona shooN$ 20.

Aakalimo yomOshakati noodolopa dhopuushiinda otaya ka nyanyudhwa nomalugodhi geli 17, moka Kilimanjaro  a tokola oku ga sindanapo agehe.

Onkene Josef Benhard ota indile aayambidhidhi ye ye momiyalu ominene opo ye ye ya pe aamati omukumo sho taya mbokisa.

Uudhano mbuka owa kwashilipalekwa ku Dr Mvula Munyaango na Remind Trading.

 

KuShipi Elago

LEAVE A REPLY

Please enter your comment!
Please enter your name here