Vulikeni koompango dhomoondjila opolisi ya indile

0
285

ONGWEDIVA-Opolisi moshitopolwa shaMusati oya indile aahingi yomahauto opo yi iyuthe koompango nelandulathno lyomondjila , unene tuu pethimbo lye ipyakidhilo moondjila.

Mokuninga  ngaaka yo otaya ka yanda  iiponga yomoondjila.

Omupopiliko gwopolisi mOmusati Warrant, Lineekela Shikongo okwa ti ethimbo ndika oli shiwike nawa lela ongethimbo lyomatango omanene nolundji oondjila ohadhi kala dhiipyakidhila uunene noonkondo.

Shika okwe shi popi sho ali ta gandja uuyelele koshiponga shinyanyalitha shoka sha holoka mondjila onene yomamanya yaShaala noNesi Omaandaha oshiwike shika.

“ Aahingi yomahauto  naya simaneke omandhindhiliko gomoondjila uuna taya hingi,” Shikongo a kumagidha.

“ Moshihauto omwali ashike omuhingi nomufaalelwa ngoka a hulithila mondjila okuya koshipangelo,” Warrant Shikongo a ti ngaaka.

Kokutya nee omuhingi okwa kanitha okondolola ngiini itashi tseyika aniwa manga oshoka omuhingi ita popi.

Nakusa ye oye ngaa omufalelwa mohauto muka okwali oye Hileni Iyambo omunamimvo omilongo mbali nambali. Naakwanezimo ye yopaali ayehe oya tseyithilwa nale.

Omanga omuhingi gwohauto ndjoka ya gu oye Malakia Nashilongo.

Okwa hokololwa kutya ohauto okwali tayi zi kOshaala yuuka kOnesi.

“Oshiponga shika oshali sha holoka mOmaandaha omutenya sho omuhingi gwoToyota Hilux Bakkie a kanitha epangelo lyosheenditho she tashi gu,” Shikongo a lombwele Kundana.

Okwati omuhingi omunamimvo omilongo ntano nayimwe  ngoka eli monkalo itayi etitha oonkondo okwa taambelwa moshipangelo shepangelo mOutapi .

KuLoide Jason

 

 

 

 

LEAVE A REPLY

Please enter your comment!
Please enter your name here