Chantel Kamehozu oye okakadhona dhingi mOshikoto

0
322

OMUTHIYA – Nonande shili oshikando she shotango okukutha ombinga muukadhona dhingi moshitopolwa shaShikoto. Chantel okwali a zalekwa oshikoloni mOlyomakaya ga piti onga oye okakadhona dhingi mOshikoto.

Methigathano ndika oontana dha nelende dhili omulongo odhali dha thigathanapo noku tala kutya ngu ta thigipo yakwawo olye naanaa. Chantel okwali a dhengemo ayehe sho a ulikwa onga oye eshi ku inyenga noku imemeha nawa.

Chantel okakadhona koomvula omulongo nomugoyi (19), ka shanga ondondo onti-12 nuumvo. Okakadhona hano oka yambukile mOshomeya. Chantel okwati oku uvite ombili netumba oku ulikwa onga oye okakadhona dhingi. “ Onda kala ethimbo nda hala oku kutha ombinga momathigathano ga tya ngeyika ashike ihandi tokola lumwe, aamwameme oyali ya tsundje omukumo opo ndi kuthe ombinga ngame ndi tale ngele genongo ta gafe gongombe,”Chantel ta ti ngaa.

Okwa gwedhapo kutya monkalamwenyo ye ina kutha nale ombinga momathigathano ngaka ashike shino oku wete kutya elago enene oku ulikwa onga okakadhona dhingi momauliko ngaka nonande shi li osho oshikando she shotango ta kutha ombinga.

Chantel okwati kashali oshipu okusindanapo oshishani shokakadhona dhingi unene ngaa sho methigathano mwali nuukadhona mboka wa kutha nale ombinga no wuna ontseyo oyindji, okwa indile kehe ngoka wuna ehalo lyokukutha ombinga momathigathano ngaka wu longithe oshitalenti weshi pewa ngoye wu tale ngele toshi pondola.

Uukadhona mbuka omulongo owali wa zi kiikandjohogololo ya yoolokathana mOshikoto nelalakano wu thigathanepo po pu talike kutya ha ke vule yakwawo okenipo. Loide Imbili naye a yambukile kOshomeya okwali a ulikwa onga oye omukombanda gwotango,Laimi Friedrich aza mOmuthiya okwali a ulikwa oye omukombanda omutiyali omanga Pakala Ashipala a zile kOnathinge oye Omukadhona guukwatya ito wu pewa nando okulye na Wilka Ileka a yambukile mOmuthiya okwa ulikwa onga oye Omukadhona hoopala momafano..

Olyomakaya ndjoka esiku olyali tali mwenyekwa ku kuku Nkandanga, Thimbiko na Mbuku ngoka a tseyika nawa nokangalo owalya ngaa okanona oshowo aahikingalo mboka opo ta yeya mowela oyali ya ulike iitalenti yawo.

KuMaria Namupala

 

LEAVE A REPLY

Please enter your comment!
Please enter your name here