Kilimandjaro oye a mono iitsa oyindji muudhano wombokisa

0
198

OSHAKATI-Kilimanjaro Boxing Club oye a zimo niitsa oyindji muudhano mboka wa liko ehuuliloshiwike lya ziko mOshakati.

Uudhano mboka wali wakuthiwa ombinga kaadhengingonyo yaza moshitopolwa naamboka ya zile komunkulofuta owali itaa wu nuwa omeya nopehuulilo oshe ke ya puuyelele sho aadhengingonyo ya za moKalaba ya Kilimanjaro ya li ya ningi nyenti iha dhengelwa peumba lye.

Adhengi ngonyo yeli 40 oya li ya kutha ombinga momalugodhi geli 20 ngoka gali ga thigi aakalimo yomOshakati mboka yali yeya momiyalu ominene yeli othika.

Joseph Benhard Junior omwanamati gwa Joseph Benhard ngoka eli mwene goKalaba ya Kilimanjaro oye ali asindanapo oshiviha sho 27 kg, omanga Mathew Haita goko Walvis Bay a sindanapo oshiviha sho 56 kg.

Paulus Aileka oye asindanapo oshiviha sho 56 kg, omanga Harry Simon Junior oye eli omusindani go 58 kg.

Max Iipinge oye ashike omudhani a vula okugwithapo omukondjithi gwe mwaashoka hashi ithanwa “technical knockout” medhingoloko etiyali nokusindanapo oshiviha sho 63kg.

Ruben Shilongo oye omusindani goshiviha sho 80 kg omanga Jason Immanuel oye a sindanapo 62kg.

“Oshigwana shomomudhingoloko gwaShakati oshihole uudhano mbuka naashika oshali sha ulikwa kengungo lyaantu mboka yali yaholoka pehalandjandja lyaMvula Munyaango Complex mpoka pwali tapu ningilwa uudhano mbuka” Joseph BenHard tati.

Puudhano mpaka opwali pwa kalwa komupevi Minister gwegameno omusimanekwa Erastus Uutoni ngoka wo eli opatrona yoKalaba ndjika, Omunangeshefa Dr Mvula Munyaango, naanangeshefa yaza koombinga noombinga.

Dr Mvula okwali shili a nyanyukwa oshoka kuye oshali oshikando shotango oku edhilila uudhano wobokisa pehala lye.

Okwati ngele aanangeshefa pamwe nepangelo oya yambidhidha omaudhano goludhi nduka nena otashi vulika ku ka kandulwepo uuthigona noluhepo, nelongitho nayi lyiikolitha mokati kaanyasha.

Enyanyu olyali enene shili naashika oshali sha ulikwa sho aanangeshefa yali ya yi moondjoto nokuumbila aanyasha mboka yasindana nokunyanyudha aatali.

KuShipi Elago

LEAVE A REPLY

Please enter your comment!
Please enter your name here