Lau-Lau FC oye a sindanapo uudhano wOshikoto Expo

0
188

 

OMUTHIYA – Osipana yetanga lyokoompadhi yo Lau-Lau FC oyo ya sindanapo uudhano mboka wali wa longekidhilwa omauliko giipindi mOmuthiya ehuliloshiwike lya ziko.

Sheyavali Josua ngoka a yambukile koshikandjohogololo shEengodi oye ali omuwiliki guudhano mbuka. Sheyavali okwa li  a tseyitha kutya osipana ndjika yo Lau-Lau FC oyo ya dhengemo adhihe noku sindanapo okapandi kiimaliwa yooN$1000-00 noomedalia dhili omulongo.

“Methigathano ndika lyuudhano wokatanga kokoompadhi omwali mwa kuthwa ombinga koospana dhili 4, mono Omuthiya Proper teacher yali ya yi methigathano lyahugunina no Lau-Lau oyali ya sindana sho ya dhengemo Omuthiya teachers nookola mbali mu yimwe, Omuthiya proper teachers ogwa li gweya ponomola ontiyali no ya sindanapo ooN$800 omanga Olukonga fc lweya puutitatu no lwa sindanapo ooN$600 noomedalia omulongo,” Sheyavali ta tseyitha  ngaaka.

Omudheuli gwospana ndjika  Gerhard Mumbala okwa ti osipana yawo oya yambukile moshikandjohogololo Omuthiya, no yu uvite uugumbo okuyambukapo nesindano ndika lyuudhano wOshikoto Youth Expo. Mumbala ta gwedhapo kutya ospana yawo oyali yi ilongekidhila uudhano mbuka nawa.

Sheyavali okwa ti moomvula dha piti momauliko giipindi gafa mpaka ka yali haya kala nomaudhano “nuumvo otwa tokola opo tu hanganithe aagundjuka nomaudhano , otwe shi pondola momaudhano notwa hala omumvo ta guya tu kale nomaudhano ogendji opo aagundjuka yetu mOshikoto ya kale ya hangana muukumwe yo ya mone kutya okulongela kumwe okuna elago,”Sheyavali ta ti ngaa.

Komatango gesiku ndyoka okwali wo kwa ningwa ethigathano lyuudomino mono omakandangala gambandje gali ga thigathanapo noku tala ngoka eshi ku dhana uudomino kamana. Konyala ayehe oyali yeshi pondola methigathano ndika. Sheyavali tati uudhano awuhe owa ende nawa noya hala ya gwedheko ishewe omumvo ta guya. Okwa indile opo iikandjohogololo ayihe yi kale ya tuma ospana yuudhano opo ya yambulepo omuthika gomaudhano mOshikoto.

KuMaria Namupala

 

LEAVE A REPLY

Please enter your comment!
Please enter your name here