Meme Maria a mona elongo lyaamati yaali nomukadhona gumwe

0
370

OSHAKATI- Omukulukadhi gwomimvo  41 okwa nyanyukwa sho a pewa elongo lyaamati yaali nomukadhona gumwe.

Aanona mbaka yatatu okweya monene moshipangelo shepangelo mOshakati omwedhi nguka.

Aanona ayehe oye li nawa pahokolo lya yina, Maria Kakangwa, nonando mbaka yali ya valwa inaaya adha ethimbo lyoku valwa, oshoka mbaka oya tonatele etango konima ashike yokukala mela lya yina uule woomwedhi heyali.

Maria Kakangwa ngoka ena nale aanon yatano okwa pandula Kalunga sho emu gwedhelepo ishewe aanona yatatu. Ihe pompito ndjika ota indile aasahenda moshigwana opo ye mu kwathe okupalutha oyana mbaka oshowo wo oku ya  omakwatho galwe ngaashi iizalomwa nosho tuu..

Aanona mbaka molwashoka oya valwa inaa ya adha okuvalwa oya li ya ningi omasiku  omulongo 14 mekende lyokuhumitha komeho ekoko lyawo.

“Onda pandula shili Omuwa Kalunga kandje sho a pendje elongo ashike onkee ngaa ndina ompumbwe yiikulya yaanona yandje mbaka yatatu. Onkee otandi indile aanamutimanghenda ya kwathele uunona wandje niikulya,”  Kakangwa a ti.

Kakangwa ngoka iha longo nokwa adhika nale ena uunona uutano, okwa hokanwa  koKongo nomusaane gwe ohalongele megumbo lyoshilumbu kOvenduka, hoka iha longo kehe esiku.

“Ondina ohokwe nohole okusila uunona wandje mbuka oshimpwiyu ashike otandi nyengwa komahini gawo oshoka awuhe mbuka itawu kutileko kontulo yandje, onkee onda pumbwa eyambidhidho tali zi koshigwana.

Okwa ti nonando  omusamane gwe okuna oshimpwiyu, shoka hatu mu kegumbo itashi ka gwanena wee uunona auhe uhetatu

Kakangwa sho a kala metegelelo okwali eshi  okuna ashike okanona kamwe na okwali a haluka sho a lombwelwa kuNdohotola kutya okwa umbata uunona uutatu na otaka tandwa .

Kakangwa okwa lalekwamo moshipangelo na okwaya kegumbo nuunona we awuhe utatu hoka eli ngashingeyi ta silwa oshimpwiyu kaakwanezimo lye

KuLoide Jason

LEAVE A REPLY

Please enter your comment!
Please enter your name here