Mustafa Mansor a ningi kuume ketonatelwahala lyaMandongo,

0
220

OMANDONGO –  Konima ashike sho kwali kwa ningwa ethaneko opo ku yambulwe po etonatelwahala lyaMandongo, aawiliki naamba yeli mokangundu oya kala noku konga ookahewa mboka taya vulu ok kwathela moshinima shika.

Okwali kwa thanekwa opo ehalatumo ndika li yambulwepo lyo li kale pamuthika gwomatalelepo, lyo li kale tali hili aatalelipo ta ya zi kiilongo niilongo. Ethaneko olya tulwa nale miilongo opo ehala lyethigululwahala lya Mandongo li pendulwepo lyo li humithwe komeho pamuthika gwomatalelepo.

Metine lyoshiwike sha ziko omukalelipo shilongo gwa Malaysia moNamibia, Mustafa Mansor, okwali a kutha olweendo lwowina opo eye a talele po mpoka pwa thaanekelwa etonatelwahala ndika.

Mustafa okwali eende pamwe nomukwatakanithi gwOmandongo, Ananias Usiku. Shino oshali sha ningilwa momukunda Omandongo mOnayena megumbo lya tate Risto Nakanyala nokonima osheendo shomukalelipo shilongo oshali sha ka talelapo hono kwa thanekelwa etonatelwahala lyaMandongo.

Mustafa okwa hokolola kutya okwa panga uukuume na Usiku sho ali a ningi oomvula omulongo koMalysia hono ali eki ilonga nokwali a mono kutya Usiku omuntu omwaanawa ta vulu ku longwa naye ngele tashiya pomapendulepo gomahala nomehumokomeho moshilongo.

Omukalelipo shilongo nguka Mustafa okwali a pandula oshikandjohogololo Onayena sho tashi longo iilonga iiwanawa mo ku pendulapo Omandongo, okwali woo eya kumike ya longe nomukumo yo ya longele kumwe, ta ti esindano otali adhika ashike ngele aantu taya longele kumwe noyena ombili.

Oshali enyanyu enene kaakalimo yomOmandongo noyo puushiinda  sho yali ya gongala ya kunde omuyenda , yo ya tale noku hambelela kuume kawo. Ananias Usiku naye okwali a pandula Mustafa ngono ali a gandja oshimaliwa shooN$6000,00, shi kwathele mependulopo lyehala ndika. Mustaafa ngono pethimbo ta gandja oshimaliwa shika okwa uvaneke ta kala kuume kOmandongo omwaanawa no ta kala ta gandja omakwatho mpoka sha pumbiwa.

Mustafa okwali a nyanyukwa oku mona ehala lyaMandongo ta holola kutya ehala ewanawa nolili puuwanawa, tati aakwatelikomeho na ya ye owala komeho niilonga yawo.

Mustafa okwali wo a pandula Usiku naawiliki aakwawo sho taya kambadhala oku eta ehumokomeho momikunda, naasho taya longo nuudhiginini okukwatha  noku pendulapo etonatelwahala ndyoka lyali hali longithwa kaatumwa.

KuMaria Namupala

LEAVE A REPLY

Please enter your comment!
Please enter your name here