Nashidengo a kumika ovalihongi va diinine oilongwa younongononi

0
201

ONGWEDIVA –Omuhongi woilongwa younongononi moUnivesiti yaNamibia mokampusa ya Hifikepunye Pohamba mOngwediva moshitukulwa shaShana okwa kumika ovahongwa opo ve li honge oihongwa younongononi.

Willem Nashidengo omuhongi womwaalu, ochemistry nobiology moHifikepunye Pohamba oku li yoo omufaneki womafano neenyala ile tut ye ha painda omafano mokulongifa omaluvala elili nokulili.

Nashidengo ekumaido neindilo eli okwe li ningila pomaulikilo omafano ae olo la li pendiki leefitola la Maroela mOngwediva Olomakya  a djako.

Elakano okuunganeka  omaulikilo otete oludi eli, okuyambula po oshiputudilonongelo shaHifikepunye Pohamba, okutwa omukumo ovalihongi ovanyasha va kufe oilongwa younongononi , osho yo okwoongela oshimaliwa tashi di momafano shi ka kwafele ovalihongi dingi ve li omulongo moilongwa younongononi poprimafikola  Mwadina yaNembenge mOshakati opo ye a fikola okudja ondodo yotete fiyo onhimuwoi, va dule okulanda omudjalo wofikola.

Vahapu ova kuminwa ounyakwa womukalimo womomudingonoko, oo oshikando shotete a ninga euliko eli. Ongudu yovaholi vomafano oya fika poshitaafula sha ndaekwa omafano a fanekwa neenyala noutalekedi, nonghumwe okutala omalupe ovafanekwa tava monika ngaashi ve li.

Nande ina longwa okufaneka omafano oludi eli mofikola, Nashidengo okwa unganeka omhito yokuulikila oshiwana ounongo noshitaalenti shaye nokufatulula kutya, okwa nyanga ashike ounongo  waye apa  naapenya fiyo a fika pondodo yovafaneki vakwao vomafano oludi olo.

Pehovelo , okwa li ha faneke omafano inaa tulwa oyaameni komingenge, ashike pokati opo okwa panga oukaume naRichard Wendelinus omunailonga mehangano Northern Wood Works okuli shiivifa koshiwana.

Pefimbo eli oshiwana shi li momhepo yomahoololo, Nashidengo okwa faneka efano tamu monika ovakwateli komesho mongudu yoSwapo, Omukokoli Peresidende Sam Nujoma, Omupresidente Hifikepunye  Pohamba nomuulikwahoololwa Peresidende wongudu yoSwapo Omundokotola Hage Geingob.

Komutoolinghundana

LEAVE A REPLY

Please enter your comment!
Please enter your name here