Omudhipagi gwaanona okwa fa kee li nawa

0
267

EENHANA-Omulumentu gwomimvo 25 okwa holoka mompangu yamangestrata pEenhana ta fekelwa edhipago lyuunona uuyali.

Omufekelwa ngoka taku fekelwa ena omadhiladhilo haga zi pehala noku li kepango lyuuvu mboka okwa hokololwa a ningi omasiku inaa nwa omiti dhe ndhoka uuthilwa koondohotola.

Sam Lungameni okwa holokele mompangu mOmaandaha oshiwike shika  noshipotha she osha undulilwa komeho opo a  vule oku konga omukalelipo gwopaveta.

Lungameni anuwa okwali  a thigwa megumbo kooyina yaanona mboka yaali, omanga mbaka ya ka mwa nenge ya ka tona omboga mepya.

Lungamena aniwa okwa tokola opo a tidhe mo uunona mboka uukuluntu puukwawo mpoka puna gumwe ena oomvula ndatu omanga omukwawo ena oomvula ntano opo wu ye mepya ye a wape okudhipaga uuhanona.

“ Okwa dhipaga nee uuhanona mboka uyali auhe uumati . Aanona mbaka gumwe okuna omvula netata nomukwawo omvula yimwe noomweedhi  heyali.  Okwa longitha anuwa omupini gwekuya na oye ngaa eya kopolisi okutseyitha oshiningwanima shoka”,omupopiliko gwopolisi Kuume Itumba a koleke kuKundana.

Itumba okwa ti aniwa omulumentu nguka okuna uuvu womomutse na okwa ninga nee omasiku a faula oopela okuza muSeptember sho shoka otashi vulika osho shemu etela uunkundi mboka womadhilaadhilo.

“ Okwa lombwele opolisi kutya ye okuna oshinima shili momwenyo gwe tashi ti dhipaga, dhipaga, ta ti aniwa nashi a thiki poshitaasi shopolisi natango okwali u uvite ewi ndyoka ta li mu pula a dhipage,” osho opolisi ya lombwelwa komufekelwa nguka  ngaaka.

Opolisi oya hokola kutya oshiningwanima shika oshaningwa mOlyomakaya komatango lela nomufekelwa nguka ngashingeyi okuli mondholongo.

Aniwa sho a thiki poshitaasi shopolisi okwali ta hokolola uuvite uuntsa nuunambano ewete a longa shoka shina oku kala sha longwa komuntu kehe, na ka li tau like ena nando eiyuvo lyondjo ya sha.

Opolisi oya ti kutya  otayi tsikile okukonakona oshinima shika.

KuLoide Jason

LEAVE A REPLY

Please enter your comment!
Please enter your name here