Omukiintu gwOkombahe  ta kondjele omwanamati a kale momwenyo

0
242

OKOMBAHE –  Omukiintu gwomimvo 25, Annakie Dausas omuvali gwomunona gwomumati ena omvula yimwe ngashingeyi ota kongo ekwatho moshigwana opo a vule oku ekula omwana nguka ena uulema oku mu palutha oshowo okumukaleka nomwenyo.

Dausas okwa valele omwana nguka eli nawa omumvo gwayi, ihe onkalamwneyo yaIgnatius Dausas oya lunduluka thiluthilu kuyele nuumvo sho omumati nguka a adhikwa kuuvu woshimela , mboka wemu kutha omeya niimongwa oyindji molutu lwe. Konima yaashika Ignatius okwa kwatwa ishewe komikithi  ngaashi eehamo komapunga, oshintona, go omavu ngaka oga gumu uuluyi we kutya ngaaka ita vulu we okuninga sha kuye mwene.

Ignatius okwa li a pangwa uule womwedhi gumwe moSaala yetonatelo lya kwata miiti moshipangelo sha Katutura kuyele  nuumvo.

“Oondohotola odha li dha lombwele ndje manga eli moshipangelo kutya omumwandje mati ita ka vula okufudha nenge okulya ngaashi aanona ooyakwawo yepipi lye. Nonkalamwenyo ye otayi kala miikaha yandje ongo yina  na ota kala ta paluthwa okupitila mominino ndhoka dha tulwa molutu lwe.

Ondohotola odha li wo dha ulula ombuthulu opo omankololo ga vule okupombwamo momapunga ge lutatu mesiku opo a kaa se oshimpwininika kugo. Ondina okupomba mo omankololo ngoka esiku kehe,’ osho Dausas a popi ye ta hala okungeleka.

Okwa ti okuna okupombamo omankololo ngoka montulo yomwanamati mokupitila mominino ndhoka ha tula momayulu gomwana tadhi yi sigo okomapunga. Shika otashi uvitha nayi, ondi uvite na yi kombinga yomumwandje na otandi galikana kutya esiku limwe ota ka tyapo hwepo,” osho Dausas a popi neinekelo.

Pahokololo lye oshimela oshidhigu shoka sha adhele omwana osho sha lundulula onkalamwenyo ye . “Oondohotola odha mono wo kutya olutu lwe kaluna we oovitamine oshowo iimongwa ya pumbiwa noshikwawo uuluyi we  owa ehamekwa koshintona naashika osha ehameka  wo omapunga ge noku ngambeka oonkondo dhe okuvula oku ikwathela ye mwene ngaashi mokulya nenge moku inyenga kuye mwene.”Dausas  osho a fatulula.

Dausas ngoka  keena iilonga okwa li wo a lombwelwa koondohotola kutya Ignatius ita ka aluka kuuvu mbuka, na ota kala iikwatelela kekwatho lye opo a vule oku inyenga nenge okulya shi ikwatelela wo komuti gwoshintona noshowo omahini gomondooha ngoka ena okukala ta pewa onkalamwenyo ye ayihe.

Okwa ti oshinima shika oshidhigu okulonga nasho, ihe ota kambadhala nonkalo ngaashi eyi na. Kandina ngoka ha kwatha ndje kakele komusamane gwandje  kombinga yoku sila Ignatius oshimpwiyu. Okumu kwatha osho oshinakugwanithwa shandje esiku kehe, ha molwa shoka ndina oku shi ninga ndele omolwa ohole ndjoka ndi mu hole nayo. Okutala omumwandje ta hepa ngeyi osha tatula omutima gwandje nehalelo lyandje limwe alike oondika andola a tyepo hwepo,” osho Dausas a indile.

Dausas okwa ti okuna okukonga omikalo dha yooloka okumonena omwanamati  omahini oshoka koshipangelo oha pewa ko ashike oondooha ndatu  dholudhi lwo Lactogen dho ndhika ohadhi vulu okukala ashike uule womasiku omashona.”Uuna ndhika dha pupo ondina  oku kongela omumwandje omahini naashika oshidhigu unene tuu kungame ngoka ndaana iilonga,” osho a fatulula. Dausas ota kugile koshigwana opo shi mu kwathele monkalo ye ndjika opo a kwathe Ignatius , kutya nee ngoka iilongekidha okukwatha  ote mu pe molupe lwomahini nenge pamwe olwe pango lyopaunamiti, nguka ota vulu oku mu mona koongodhi  ndika  0812208319 nenge ko 0816076895.

KuEveline de Klerk

LEAVE A REPLY

Please enter your comment!
Please enter your name here