‘Prince’ Naidjala ota ka kondjitha Buthelezi

0
182

WINDHOEK – Oshigwana shaNamibia otashi ka nyanyudhwa nokupewa omagano gopethimbo lyomatango omanene sho MTC Nestor ‘Sunshine’ Tobias Boxing & Fitness Academy tayi ka kala nuudhano wokudhenga oongonyo uuwaanawa  hawu ithanwa ‘Champions in Action’ Boxing Bonanza momasiku ga6 Desemba nuumvo.

Enyakwa lya Namibia mehangano lyokudhenga oongonyo lyoWorld Boxing Organisation (WBO)mondjundo yAfrica bantamweight, Immanuel ‘Prince’ Naidjala oye ta ka kondja molugodhi olunene  ongulohi ndjoka, sho ta ka gamena epaya lye komukondjithi gwe omuSouth Africa, Gideon Buthelezi pohotela yokuumbugantu waVenduka , Windhoek Country Club.

“Ondi shishi kutya otandi ka kondja nenyakwa nale naashika osho tashi tsu ndje nale omukumo, uuna nda londo moringa mesiku ndyoka. Otandi ka sa oshimpwiyu kutya onde mu ehameka lela omumati ngo. Ngame ondi ilongekidha nawa. Ondi na ishewe ongundu yaanambelewa mboka taya  kwathele ndje meilongekidho nawa oshowo omudheuli gwandje oye gumwe gwaadheuli aawanawa kaakunawe, onkene shandje osho owala okuya moringa noku longa shoka ndishi okulonga kokutya okuumba oongonyo dhaana ondjaalela.” Naidjala a londodha.

Naidjala okwa kondja omalugodhi omilongo 21 mwaangoka a sindana omulongo nomalugodhi omugoyi, a kanitha olugodhi lumwe ye ta kondjo shi thike pamwe molugodhi lumwe. Omanga omukondjithi gwe Buthelezi okwa kondja omalugodhi 17 onga omumbokisi paithano mungoka a sindana geli omulongo nomalugodhi gatatu ta kanitha omalugodhi gane gomwaangoka.

Ongulohi ndjoka aambokisi aaNamibia otaya ka mbokisa woo, mwa kwatelwa Julius Blue Machine Indongo ngoka ta ka palamena Kaizer Mabuza gwoko South Africa ngoka ena ontseyo ya mbwalangandja ngele tashiya mokudhenga oongonyo.

Pethimbo lyuudhano mbuka omumbokisi mondjundo yo, Flyweight Japhet ‘Thin Man’ Utoni ota ka kondja ena iikonene opo a geele Abmerk Shindjuu ngoka a li e mu dhengemo methigathano kuyele nuumvo. Aambokisi mbaka otaya ka kondja olugodhi uule womadhingoloko geli 12 omolwa epaya lyondjundo yo WBO yoFlyweight .

Muudhano ishewe uukwawo , Samuel ‘The Hammer’ Kapapu ota ka tsakanena ishewe na Martin Haikali opo mbaka ya pongolole  iikonene mbyoka ye ninathane unene tuu  sho gumwe gwaambokisi mbaka oye a dhengelwe molugodhi lwa zileko. Otaya ka kondjela epaya lyondjundo yo WBO Africa Lightweight momadhingoloko omu 12.

Omalugodhi galwe ota mu ka kondjwa ku  Kennedy Kamati taya ka dhengathana na Domicusi Weyulu molugodhi lwomadhingoloko gane mondjundo yoLightweight , nduka otalu tetekelwa kwaandoka lwondjundo yoFeatherweight lu li pokati ka Onesmus Nekundi na Erick Kalenga momadhingoloko gane.

Ofuto pomweelo oodola  N$200 momuntu nenge oodola N$10 000 poshitaafula pwa kuutumba aantu omulongo. Omalugodhi otaga tameke potundi  18h30.

Ku Otniel Hembapu

LEAVE A REPLY

Please enter your comment!
Please enter your name here