Mr Rhee a galuka natango

0
254

WINDHOEK-Ngaashi naana Mr Rhee a tseyika nawa koyendji ngele tashiya mehangano lyoongalo, ngashingeyi okwa galuka ishewe noongalo ndhoka oompe notadhi nyanyudha aapulakeni.

Nedhina lye pakuudha Richard Shikongo, omuhikingalo ngoka gwoongalo dhoShambo, Afro Pop noDancehall okwa pitithapo ishewe omusholondondo gwoongalo dhe gwedhina Omake, ngoka guna oongalo omulongo nandatu.

Mr Rhee ota ti,elalakano lye lyokuluka oalubuma ndjika Omake oshazi pooalubuma dhe ndhoka a pititha tango nokwa mono puna eyooloko enene ngele tashiya momikwelengendjo dhoongalo dhe.

Okwa gwedhapo ishewe ta ti, edhina lyoalubuma ye okwali eli pewa kaayambidhi ye. “Aayambidhi yandhe oya li ya pendje edhina ndika Omake opo ndi li luke oalubuma yandje konima yokangalo hoka ndali ndaningi taka ti Don’t Give Up, shono sha hala okutya ino sholola, noko kotango moalubuma ndjika.

Okangalo haka okali kamwe komuungalo mboka wali tawu hwahwameke oalubuma manga ya li inaayi pita,” Mr Rhee ta ti ngaaka.

Mr Rhee okwa ti ishewe eyooloko pokati koalubuma ye ndjika ompe naandhi a pititha nale olili mokukoka kwoongalo dhe ngele tashiya pokushanga omaimbilo.

Omake alubuma, oalubuma ndjoka ta yi popi notayi holola uushiili womuntu. “Onda tala ishewe kombinga yaanangeshefa opo ya lande oalubuma ndjika yo yatule momalyukulyuku gawo,” Mr Rhee ta gwedhapo.

Moalubuma okwa kwathelwa nee ku Rau, Dricit, Waka, Young T, M-Jay naExit. Uungalo ngaashi Don’t Give Up, Omaxuilili, Portfolio, Summer Come naMekolo owo wumwe tawu ku pe omulyo gwoongalo dholela.

KuPinehas Nakaziko

LEAVE A REPLY

Please enter your comment!
Please enter your name here