Tsempo ta ka pititha Endangalati pethimbo lyoshituthi sho EAA

0
241

WINDHOEK-Omolwa ohokwe nohole yiipewa mbyoka aantu yena, omumati gwedhina na Erastus Tsempo okwa ningi ishewe gumwe gwomaahikingalo dhingi miiyimbo yomuthigululwakalo noonkulunkedhi dhOshiwambo.

Tsempo otati omolwa ohole ndjoka ena kaayambidhidhi ye, ota thaneke nokulongekidha opo aka pitithe uuvidio uyali we wuungalo we uyali ngaashi Elombe Lyetu, osho wo Enzuna, mbono wali owo pyoko moalubuma ye yotango yedhina Omagano petameko lyomwedhi tu uka. Otaka pititha ishewe uungalo uyali  mbono wuli moalabum ye ompe tayi Ithanwa Endangalati.

Shino otashi kaningwa pethimbo lyoshiindingili shElombe Annual Youth Festival shono tashi tameke momasiku 19 December nuudhano wetanga lyokoompadhi naandyoka lyomokambamba.

Pethimbo lyoshituthi shika, otapu ka kala ishewe ekopi LyaNdatelela Championship osho woo iindingili yomainyanyudho ga yoolokathana.

Oalubuma yaTsempo Endangalati oya thanekwa yika pite mo31 Deseemba. Endangalati olina nee ehwata lyoongalo omulongo nambali. “Oalubuma ndjino opo yilukwe Endangalati omuna omaimbilo ogendji gena sha niinima yonkalamwenyo esiku nesiku oshoka endangalati olyo eti enene ndono hali vulu kugwila mondjila hamu ende aantu notali ya imbi oku pita,” Tsempo tati. Moalubuma omuna oongalo odhindji dhOshiwambo oshoka Tsempo oye gumwe wo gomaahikingalo mboka yakutha ombinga methigathano lyoongalo dho065 Annual Music Award mokangundu koongalo dhomuthigululwakalo dhingi.

Ewawa lye lyaagundjuka lyedhina Elombe Art Academy (EAA) ndoka lyili mewiliko lye olyo wo tali longekitha oshiindingili shoka pamwe wo noIll Tribe Musik noMkwanyoka Investment. mongaashingeyi Tsempo inaya mona naanaa eyambidhidho nonkene otaya pumbwa wo omakwatho okuza moshigwana unene mba yomomudhingoloko gwElombe.

Ku Pinehas Nakaziko

LEAVE A REPLY

Please enter your comment!
Please enter your name here