Ulenga ota tsikile nokala omuperesidende gwoCOD

0
263

OSHAKATI – Omuwiliki gwo Congress of Democracy (CoD) okwa ti natango ngele okuna omwenyo ota ka thikama ongo omuulikwahogololwa gwopauresidende momahogololo  gomumvo 2019.

Ulenga okwa ningi ekwashilipaleko ndika kutya ye ina ilongekidha natango okuyapukila epipi egundjuka mewiliko lyongundu ye, pethimbo a li a popitha oshigongi shiikonga yomahogololo shongundu ye mOshakati Olyomakaya ga yi.

Ulenga okwa ti ye ita ethapo iilonga yuunani woCOD noku ka vululukwa po noku tala oshigwana tashi thipwa noku yugwa koSWAPO.

“Nandi mu lombwele ne aaNamibia, ngame Ben Ulenga shika hasho oshikando shanjde sha hugunina oku kala omuulikwahogololwa gwopauperesidende gwongundu yandje. Otatu thiminikwa kaagundjuka opo tu ethe po ewiliko tu yapukile epipe egundjuka opo li kutheko iipundi yetu. Omwa hala epipi egundjuka ndyoka ha li mono iimaliwa mootendela nokudhimbwa oshigwana ashihe?Ngame otandi ka thikama  ongo omuulikwa hogololwa momahogololo goshiwike shika, kakele shila ngele Kalunga kandje ine shi pitika ndi shi ninge. Ishewe mboka mu dhiladhila nokuyaguma kutya shika osho oshikando shandje sha hugunina okushininga -dhimbweni!

“Sho tandi thikama onga omuulikwaperesidende  ngame inandi thiminikwa kohole yoshimaliwa. Ihe onda thiminikwa kohole yoshigwana. Inandi thiminikwa kokuya koRussia nenge koBrazil ndika tale aagundjuka taya tidha okatanga uule wominute 60 nenge omilongo 90  omanga nda longitha oodola omilliona yimwe yiimaliwa yaafendeli. Aawe shoka tashi undula ndje nenge tashi hwameke ndje osho uuwanawa waantu ya Namibia. Ngame itandi zi mo muuwiliki wongundu yandje ndi kale nda tala aantu taya hukwa evi lyawo noku landithwapo kaaRussia naa Italia,” Ulenga ta popi nomuthindo.

Ulenga okwa ti anuwa oVenduka ndjoka ha ku tiwa oyo oshilando sha yogoka muAfrica sho oshi li mongundu yimwe na Dubai  mokukala oshilando shina ondilo, oshowo sha edhilila yamwe yomwaamboka ya hepela nokuhepelela.

Okwa ti aaNamibia kayena evi na ohaya zi momagumbo ga tungwa na shaashoka taya vulu okulongitha okutula ondunda kombanda yomitse dhawo yamwe nokuli ohaya lala pehala mpoka hapa umbilwa iiyagaya. Omanga aatotiveta otaya indikwa oku kundathana kombinga yoshinima shevi okuza koongudhi dhongundu tayi pangele molwashoka oshinima shika oshidhigu na kashishi shoku popiwa shaanmpoka.

“Oshinima shevi oshidhigu, kapena evi ndele  Omukukoli peresidende [Sam Nujoma ] okuna ofaalama yina uunene woohektala odhindji, Omuperesidende Hifikepunye Pohamba na ye okuna wo ofaalama pontumba yin a wo oohektala odhindji omanga to lombwelwa kapena evi nenge oshinima shevi inashi kundathwana puuyelele. “Omulandu gwomulandi a hala oshowo omulandithi th a hala otagu ti opena evi, ndjoka oyo ondando , nongele ito yi vulu kuga onkugo, awe ngame itandi ka thikama ndi ihukata noku kuminwa shoka tashi ningwapo ndili pooha dhiiningwanima,” Ulenga a uvaneke.

Omuwiliki gwo CoD okwa indile noku kumika iilyo yongundu ye oshowo aa Namibia ayehe ya ka hogololele ongundu ye momahogololo metitano ndika oshoka  CoD oye awike ongundu ndjoka tayi ka sa oshimpwiyu kutya evi olya topolwa nawa na  ishewe kutya omuNamibia kehe okuna ondunda kombanda yomutse gwe. Kutya iipangelo nomahala guundjolowele oga yogoka  na otaga adhika nokuthikwa komukwashigwana kehe. Ishewe COD otayi ka soshimpwiyu kutya elongo moNamibia itali futilwa.

KuHelvy Shaanika

LEAVE A REPLY

Please enter your comment!
Please enter your name here