Ewi lange otali ti sha -Ndayapo

0
221

ONGWEDIVA – Nande e na oulema ine lindedemeka kutya ke na omaoko, ngaashi shi wetike nomesho kutya omunhu e na oulema. Ndejapo Haufiku womido 41 womomukunda Okaandje moshikandjohoololo shaNgwediva moshitukulwa shaShana, okwa hoololela poLeo Shoopala mOshakati pamwe naNgolonea woshitukulwa shaShana Clemens Kashuupulwa.

Eshi hasho oshikando shotete ta hoolola, oku na omukumo neineekelo kutya ekufombinga laye momahoololo otali ti sha.

Ndejapo Haufiku ina younona vatano naye oumwe waavo va hala kuhoolola tete neshina loEVM. Okwa pandula ekwafoyambidido lepangelo hali mu pe oshimaliwa omwedi keshe, a dule kuyambidida ounona vaye paemhumbwe dofikola nodomeumbo.

Haufiku oo a dalwa ehe na omaoko, oha longo oilonga yomaludi aeshe meumbo,  ngee okutwa, okuteleka, okuteka omeva, okukuminina ounona vaye nokuva fila oshisho, ohe li file oshisho mwene kolutu ngaashi okulikosha nokudjala. Eshi a fika pokakefa komahoololo ina kwafelwa, mokushaina omapila  okwe shi ninga mwene  a shaina nomhadi oyo ha shangifa noha nyola nawa e dule vahapu hava shangifa eenyala. Okwa kufa ombinga momahoololo nomukumo kutya ewi laye otali ti sha nota kaleke po ouwa waye nowovakwashiwana ovaNamibia yo.

Ndejapo a shanga ekonaakono londodo onhimulongo 1989 mofikola yaavo ve na oulema mEluwa, eshi ine shi endifa nawa okwa shuna keumbo kOkaandje. Mefiku lomahoololo okwa ulika oupenda waye mokulongifa omhadi mokulonga oilonga aisheno kushanga ngaashi naanaa a shaina fiku lomahoololo. “Ewi lange otali ti sha!”

Komutoolinghundana

 

 

LEAVE A REPLY

Please enter your comment!
Please enter your name here