Haikali oye a hokiwa a kufe oshipundi shidjuu shewiliko letanga

0
321

WINDHOEK – Omukonda mehoololo lopaupresidende wehangano eholike loNamibia Football Association (NFA), owa tenguka nopaife ota u ulike Ranga Haikali onga oye okandidate ya halika kuvahapu.

Nonande ehoololo la Haikali ola fa lili kosho yoshilemo shilaula, omunangeshefa a kula ou, opamwe novayambididi vaye ove li tava yolele ketayoo, nokuyola ovo va hala kutya elundululo monhotwaveta yo NFA ina i pitika opo Haikali a dule okuninga omupresidende wo NFA.

Oshipundi shoupreside woNFA ota shi kala hamwasha okudja Deseba 06,  eshi efimbo lomupresidente wopaife John Muinjo oo a kala ko oule weedula hetatu tali pu ko.

Eedjo dopopepi naHaikali oda koleka kuKundana kutya, omunashipundi woBlack Africa  nongudu yovayandjimayele vaye, ove lipyakidila nokukwata ko ovahoololi manga inaku iwa moshoongalele shomahoololo omuwiliki woNFA.

Ovayambidid vaHaikali ova ninga oshongalele shomeholamo noilyo oilongelikumwe noNFA koshitukulwa shaOtjozondjupa navamwe  vokoitukulwa ihai kwiiwa shito okumona eyambidido.

Pahokololo loilyo mongudu, Haikali okuyadi ovayambidid vahapu molutu, moNPL, e noilyooiyambididi  ko1st division oshoyo ovakalelipo moitukulwa Khomas, Hardap, Erongo noKaras  ova yelifa kutya navo otava yambidida Haikali.

KuCarlos Kambaekwa

LEAVE A REPLY

Please enter your comment!
Please enter your name here