Kamati nOdelela

0
635

WINDHOEK-Ekandangalai lyombandje, omvalele yomOshigambo, Emrich “Kamati” Nangolo osho ishewe a pitithako manga limwe lyomOshiwambo, oalubuma ndjoka yina omulyo gwoongalo dhomuthigululwakalo gwAawambo yedhina Odelela.

Kamati ngashingeyi okwe ya noshilundo moka a pititha oalubuma ye Ontitau yoongalo 19 ndjoka yili ompeempeeka moshigwana. Oalubuma ndjika otayi tanga, noku kumagidha unene aagundjuka.

Kamati okwa kala omwiimbi omusimanekwa megongalo Oshigambo, mongundu hayi ithanwa Onamambo Choir, poomvula dhopevi nokwa kala omuwiliki gwongudu nosho wo omukalelipo gwaagundjuka megongalo lyawo Oshigambo.

Momumvo 2005, Kamati okwa toto po ongundu yii yimbo yopamuthigululwakalo hayi ithanwa Okuti Cultural Group. “Momumvo ogo tuu ngoka, onda li nda talelepo o studio ya V-Lo, hayi ithanwana Destiny production, hono nda ningi ko okangalo ka tseyika nawa Oontana Dhanelende nenge tulye (Uukadhona) yi li paife mo alubuma ya Tate Buti o Custom service,” Kamati ta gwedha po ishewe.

Momumvo 2012, okwa pititha oalubuma hayi ithanwa Ekanda, kohi yoMalaeti, noya kala tayi dhana onkandangala omolwi iiyimbo yi na etumwalaka ewanawa lyoopalela omapipi agehe moNamibia, ngaashi Enima enene lyamungungu, omapenda, Aantu ya Africa, na Tuna Evangeli.

Ngashingeyi oalubuma Odelela oyo yimwe manga yili mo moode notayi tanga iizalomwa mbyoka hayi zalwa kAawambo. Moalubuma ota kwathelwa kongundu yoPDK nosho Tate Buti okutumbulapo ashike manga yamwe po.

Ku Pinehas Nakaziko

LEAVE A REPLY

Please enter your comment!
Please enter your name here