Kashipu okweeta po ombiibeli yoluZemba

0
209

ONGWEDIVA – “Onda kwatwa kedilaadilo ndi pupalekele omuhoko wOvazemba mokulesha ombiibeli ya shangwa melaka lavo, vaha leshe vali omalaka Oshiherero, Oshindonga nOshikwanyama. Kasha li shipu okufatulula ombiibeli melaka loluZemba, onghee osha pula eedula 20 okushanga  ombiibeli yoluZemba  eedula nhano nde di longifa ongeilongikido omanga etoloko lombiibeli ola kwata eedula 15”.

Edi oda tumbulwa kOmufita Johannes Toolu.

Nande etumo la fika moNamibia konima yeedula 200 da pita po, omwaalu wovaZemba vahapu  unene ovakainhu novakulupe inava  longwa. Omunhu ina kala popepi novapopi vomalaka a nyanyangidwa mombiibeli, kashipu okuuda ko omusgelo wao mombiibeli .

Toolu omufitaongalo moPuwo moshitukulwa shaKunene, okwa tumbula kutya omolwa ounini womwaalu womuhoko ou, nepangelo inali valula nelaka lavo li shangwe momishangwa, okwa mona omhumbwe yetoloko lombiibeli melaka lavo ovakriste va ude ko etumwalaka lomombiibeli meukililo.

Etameko la li lidjuu, osheshi  elaka eli kali mo nale momishangwa, noye a ngonga po omushangelo welaka eli. Mokati kovatumwa va longa moNamibia, vavali ashike va dile koSuomi va kala moNamibia oule womido di dule po50. Martin Rautanen ou a kala mo eedula 56 mangha ina fya naUlla Nenonen e ya netumo moNamibia 1961, eshi a pendjelwa oule womido 20 okwa kwafela metoloko lEtestammendi lipe melaka loluZemba.

Ova tameka pehe na oshimaliwa ta  kwafele okukonga omakwafo koSuomi. Ehangano Namibia Kirkotuki oya yambidida  etoloko, fimbo oLutheran Bible Translators yokoAmerica ya yambidida mokuninga omapekaapeko nokukwafela momikalo da yooloka. Ovapopi veleka eli vanini, ova yambidida, navamwe ova li tava dulu kushuna monima. Omukonaakoni a dja koHolland e li molukadi lwaAfrica okwa a konaakonwa aishe opo lelaka alishe la longifwa metoloko eli lidiminwe pamushangelo. Peatameko lodula, ombiibeli ipe melaka loluZemba oya yandjelwa moRucana moshitukulwa shaMusati.

Komutoolinghundana

LEAVE A REPLY

Please enter your comment!
Please enter your name here